Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Нийслэлийн нийтийн тээврийн парк шинэчлэлийн хүрээнд автобус худалдан авах ажиллагааг Хянан шалгах түр хорооны нотлох баримтыг шинжлэн судлах сонсгол хоёр дахь өдрөө үргэлжилж байна.
Энэ үеэр УИХ-ын гишүүн Ж.Чинбүрэн "Тээвэр зуучлалын компани нь хүртэл хуучин ногоон автобус тээвэрлэж байна шүү гэж мэдэгдсэн байна. Хулгай хийхээсээ ичдэггүй юм уу. Энэ автобусны нэгж үнэ нь 336 сая төгрөгийн үнэтэй евро 2 хөдөлгүүртэй, хийн нумгүй хуучин автобус оруулаад ирчихсэн. Хувийн автомашин ч ийм байхгүй. Нийслэлийн удирдлагууд яасан ичдэггүй юм бэ. Гарын үсэг зураад, хүлээгээд авчихсан байна. Худалдан авах ажиллагаанд оролцсон гишүүд үгээ хэл. Хэн шахаж гарын үсэг зуруулсан гэдгээ хэлж болно.
Мөн Гаалийн ерөнхий газрынхан тайлбар хэлнэ үү. Тээвэрлэж байгаа компани нь ашигласан автобус оруулж ирж байгаа гэсэн бичигтэй байхад та нар юу хийсэн бэ. Энэ асуудал гарч ирээгүй байсан бол хэдэн хүн осолд орох байсан бол. Тоормосны 8 систем нь шалгалтаар тэнцээгүй байна. Ногоон автобус худалдаж авсан төрийн албан хаагч нар ямар хүйтэн сэтгэлтэй юм" гэв.
Нийслэлийн нийтийн тээврийн ачаа тээврийн хэлтсийн даргын албан үүрэг орлогч Б.Мөнхболд “Автобус хүлээн авах ажлын хэсэг 15 гишүүнтэй. 2023 оны наймдугаар сарын 14-ны өдөр их багтаамжийн дизель хөдөлгүүртэй Daewoo BS 106 маркийн 20 автобусыг хүлээн авахаар ажилласан. Ажлын хэсгийнхэн акт үйлдэхэд тус 20 автобуснуудад ажлын даалгавар болон техникийн 8 төрлийн зөрчил илрүүлсэн. Үүнээс үүдэн уг автобуснуудыг хүлээж авах боломжгүй байна гэдгийг удирдлагууддаа танилцуулсан.
Гэтэл удирдлагуудын зүгээс Засгийн газрын чиглэлийн дагуу эдгээр автобуснууд есдүгээр сарын 1-н гэхэд орж ирсэн байх ёстой. Тиймээс дараагийн орж ирэх автобусны санхүүжилт гацах нөхцөл үүсээд байгаа учир байгаа байдлаар нь хүлээгээд авчих гэж хэлсэн.
Мөн Тэнүүн-Огоо компаниас дараагийн удаа шаардлага хангасан автобуснуудыг хүлээлгэж өгнө гэсэн албан бичиг өгсөн. Ажлын хэсгийн гишүүд удирдлагаас өгсөн чиглэлийн дагуу ажиллаж гарын үсэг зурж хүлээж авсан” гэв.
УИХ-ын гишүүн Ж.Чинбүрэн “Засгийн газрын чиглэл өгсөн гэх албан тушаалтны нэрийг хэлж өгнө үү” гэхэд Нийслэлийн нийтийн тээврийн ачаа тээврийн хэлтсийн даргын албан үүрэг орлогч Б.Мөнхболд “Ажлын хэсгийг нийтийн тээврийн даргийн тушаалаар баталсан байдаг. Дээрх асуудлын тухай байгууллагынхаа газрын даргад танилцуулсан. Намайг өрөөндөө дуудаад уулзахад Засгийн газар, Нийслэлээс шахаад байна гэж танилцуулж байсан” гэв.
Нийслэлийн нийтийн тээврийн парк шинэчлэлийн хүрээнд автобус худалдан авах ажиллагааг Хянан шалгах түр хорооны нотлох баримтыг шинжлэн судлах сонсгол хоёр дахь өдрөө үргэлжилж байна.
Энэ үеэр УИХ-ын гишүүн Ж.Чинбүрэн "Тээвэр зуучлалын компани нь хүртэл хуучин ногоон автобус тээвэрлэж байна шүү гэж мэдэгдсэн байна. Хулгай хийхээсээ ичдэггүй юм уу. Энэ автобусны нэгж үнэ нь 336 сая төгрөгийн үнэтэй евро 2 хөдөлгүүртэй, хийн нумгүй хуучин автобус оруулаад ирчихсэн. Хувийн автомашин ч ийм байхгүй. Нийслэлийн удирдлагууд яасан ичдэггүй юм бэ. Гарын үсэг зураад, хүлээгээд авчихсан байна. Худалдан авах ажиллагаанд оролцсон гишүүд үгээ хэл. Хэн шахаж гарын үсэг зуруулсан гэдгээ хэлж болно.
Мөн Гаалийн ерөнхий газрынхан тайлбар хэлнэ үү. Тээвэрлэж байгаа компани нь ашигласан автобус оруулж ирж байгаа гэсэн бичигтэй байхад та нар юу хийсэн бэ. Энэ асуудал гарч ирээгүй байсан бол хэдэн хүн осолд орох байсан бол. Тоормосны 8 систем нь шалгалтаар тэнцээгүй байна. Ногоон автобус худалдаж авсан төрийн албан хаагч нар ямар хүйтэн сэтгэлтэй юм" гэв.
Нийслэлийн нийтийн тээврийн ачаа тээврийн хэлтсийн даргын албан үүрэг орлогч Б.Мөнхболд “Автобус хүлээн авах ажлын хэсэг 15 гишүүнтэй. 2023 оны наймдугаар сарын 14-ны өдөр их багтаамжийн дизель хөдөлгүүртэй Daewoo BS 106 маркийн 20 автобусыг хүлээн авахаар ажилласан. Ажлын хэсгийнхэн акт үйлдэхэд тус 20 автобуснуудад ажлын даалгавар болон техникийн 8 төрлийн зөрчил илрүүлсэн. Үүнээс үүдэн уг автобуснуудыг хүлээж авах боломжгүй байна гэдгийг удирдлагууддаа танилцуулсан.
Гэтэл удирдлагуудын зүгээс Засгийн газрын чиглэлийн дагуу эдгээр автобуснууд есдүгээр сарын 1-н гэхэд орж ирсэн байх ёстой. Тиймээс дараагийн орж ирэх автобусны санхүүжилт гацах нөхцөл үүсээд байгаа учир байгаа байдлаар нь хүлээгээд авчих гэж хэлсэн.
Мөн Тэнүүн-Огоо компаниас дараагийн удаа шаардлага хангасан автобуснуудыг хүлээлгэж өгнө гэсэн албан бичиг өгсөн. Ажлын хэсгийн гишүүд удирдлагаас өгсөн чиглэлийн дагуу ажиллаж гарын үсэг зурж хүлээж авсан” гэв.
УИХ-ын гишүүн Ж.Чинбүрэн “Засгийн газрын чиглэл өгсөн гэх албан тушаалтны нэрийг хэлж өгнө үү” гэхэд Нийслэлийн нийтийн тээврийн ачаа тээврийн хэлтсийн даргын албан үүрэг орлогч Б.Мөнхболд “Ажлын хэсгийг нийтийн тээврийн даргийн тушаалаар баталсан байдаг. Дээрх асуудлын тухай байгууллагынхаа газрын даргад танилцуулсан. Намайг өрөөндөө дуудаад уулзахад Засгийн газар, Нийслэлээс шахаад байна гэж танилцуулж байсан” гэв.
2024-12-19