Сонгуулийн ирц 14.00 цагийн байдлаар 37 хувьтай байв. Сонгогчдын ирцийн мэдээллийг шууд дамжуулан хүргэж байна. Сонгуулийн ерөнхий хорооноос 17:00 цагт дараагийн ирцийн мэдээллийг хүргэнэ. 

16 цагийн орчимд сонгогчдын ирц улсын хэмжээнд 46 хувийг даваад байна. Сонгогчдыг хүйсийн харьцаагаар авч үзвэл нийт санал өгсөн иргэдийн 49.3 хувь нь эмэгтэй, 43.8 хувь нь эрэгтэй сонгогч байна. 

Одоогийн байдлаар ирц Говь-Алтай аймагт хамгийн өндөр буюу 55.7 хувь байгаа бол Дархан-Уул аймагт хамгийн бага буюу 41 хувь байна. 

Нийслэлийн дүүргүүдийн хувьд Багахангай дүүргийн иргэд ирцээрээ 51.2 хувьтай тэргүүлж буй бол Налайх дүүргийн сонгогчдын ирц 43.1 хувьтай байгаа юм. 18-24 насны залуучуудын саналын ирц хамгийн бага байна. 

Санал хураалтын үйл ажиллагаа 22:00 цаг хүртэл үргэлжилнэ. 

Сонгуулийн ерөнхий хорооноос 17:00 цагийн байдлаар сонгогчдын ирц улсын хэмжээнд 50.6 хувьд хүрснийг мэдээллээ. Эрэгтэй сонгогчдын 48 хувь, эмэгтэй сонгогчдын 54 хувь нь саналаа өгөөд байна. Насны хувьд 70-аас дээш насныхны ирц 80 хувьд хүрээд байгаа нь хамгийн өндөр үзүүлэлт бол 20-24 насныхны ирц хамгийн бага буюу 31 хувьтай байна.

18:45 цагийн байдлаар сонгуулийн санал өгөх насны 1.1 сая иргэн саналаа өгснөөр ирц 56.6 хувьд хүрлээ. Мөн бүх тойргийн ирц 50 хувь буюу босго даваад байна.

Саналаа өгсөн иргэдийн насны байдлыг харвал 70-аас дээш насныхан 82.1 хувьтай хамгийн их байгаа бол 20-24 насныхан 36.4 хувийн ирцтэйгээр сүүл мушгиж байна.

Тойргуудаас 2-р тойрог 62 хувийн ирцтэй байгаа бол 5-р тойрог 53 хувийн ирцтэй буюу хамгийн бага байна.

20:00 цагийн байдлаар сонгуулийн санал өгөх насны 1.2 сая иргэн саналаа өгснөөр ирц 62.1 хувьд хүрлээ. Мөн бүх тойргийн ирц 50 хувь буюу босго даваад байна.

21:00 цагийн байдлаар сонгуулийн санал өгөх насны 1.3 сая иргэн саналаа өгснөөр ирц 65.5 хувьд хүрлээ. Сонгуулийн санал хураалт хаагдахад ердөө 1 цаг үлдлээ.

2024 оны УИХ-ын сонгуульд үндсэн сонгогч 2.089.938 иргэн сонгогчийн нэрсийн жагсаалтад бүртгэгдсэнээс 1.448.235 хүн бүртгэлийн хуудас авчээ.

Тодруулбал нийт сонгогчийн 69,3 хувь нь саналаа өгч, санал авах хугацаа дууссанаар санал авах үйл ажиллагаа хаагдлаа.