Ф.Достоевскийн "Гэм зэм" зохиолыг монголд анх удаа постдрамын жүжиг болгон дэглэжээ. Жүжгийн нээлтийн тоглолт өнөөдөр 17:00 цагт Оросын шинжлэх ухаан, соёлын төв буюу РЦНК-д болно.

Тус романыг яруу найрагч, утга зохиолч Я.Баяраа жүжиг болгон хөрвүүлж, найруулагчаар М.Батболд ажиллажээ. Жүжгийн вип тасалбар 100-285 мянган төгрөгийн үнэтэй байна.

Жүжгийн гол дүр болох Раскольниковын дүрд Guys хамтлагийн дуучин, жүжигчин Д.Лхагва, Дуня буюу Авдотья Романовна Раскольниковагийн дүрд жүжигчин Х.Баярмаа, Семен Захарович Мармеладовын дүрд Гавьяат жүжигчин П.Эрдэнэзаан, Алена Ивановнагийн дүрд Гавьяат жүжигчин Д.Ганцэцэг нар тогложээ.