Үндсэн хууль батлагдсаны 31 жилийн ойд зориулсан Улс, аймгийн алдар цолтой 128 бөхийн барилдаан өнөөдөр 14:00 цагт Монгол бөхийн өргөөнд эхэлсэн.

Барилдаанд Улсын арслан Э.Оюунболд түрүүлж, Улсын заан М.Лхагвагэрэл үзүүрлэлээ.

Хоёр бөхийн барилдаан сунаж золгосон барьцаас ялагч тодроогүй тул хөлийн цэц хэлэлцэн "хутгах, мордох, хавирах мэхний оролдлого хийж, барьц авч, түрж илүүрхэж барилдсан" гэх үндэслэлээр Э.Оюунболдыг давуулах шийдвэр гаргажээ.