Нийслэлийн хэмжээнд төрийн болон төрийн бус өмчит 632 цэцэрлэгт үйл ажиллагаа явуулж байна. Үүний 50 орчим хувь нь төрийн бус өмчит буюу хувийн цэцэрлэгүүд.

Улсын цэцэрлэгт бүртгүүлж чадаагүй эсвэл нэмэлт сургалт авахыг хүссэн хүмүүс хувийн цэцэрлэгт хүүхдээ өгдөг.

Хувийн цэцэрлэгүүд хамгийн багадаа 6 сартай яслийн ангиас эхлэн бэлтгэл бүлэг буюу 5 нас хүртэл хүүхдийг элсүүлдэг байна.

Харин төлбөр нь байрлал, сургалтаасаа хамаараад үнэ нь харилцан адилгүй. Хүмүүнлэгийн үйл ажиллагаа явуулж үнэгүй ажилладаг цэцэрлэг байхад олон төрлийн сургалт, дугуйлан нэмэлтээр хичээллүүлдэг, өндөр төлбөртэй цэцэрлэгүүд ч бий.

Хувийн цэцэрлэгүүдэд англи хэл, IQ, хөгжим, шатар, бүжгийн сургалтыг орохоос гадна тусгайлан хөгжлийн бэрхшээлтэй хүүхэд авдаг ч цэцэрлэг байдаг аж.

Ингээд нийслэлийн зургаан дүүрэгт үйл ажиллагаа явуулж буй хувийн цэцэрлэгүүдээс түүвэрлэн танилцуулж байна. Дараах цэцэрлэгүүдийн үнэ ханшийн мэдээллийг наймдугаар сарын 10-наас хойш шинэчлэн гаргасан бөгөөд мэдээллийн лавлах 1900-1199-тэй хамтран бэлтгэлээ.