“Монголын чөлөөт бөхийн мастеруудын холбоо”-ны “Улсын аварга шалгаруулах тэмцээн” тавдугаар сарын 11-12-нд Спортын төв ордонд болно. Чөлөөт бөхийн ахмад мастеруудын аваргыг тодруулах, тив дэлхийн аваргад өрсөлдөх тамирчдыг шалгаруулах, ахмад тамирчдын идэвхийг нэмэгдүүлэх зорилготой энэхүү тэмцээн сүүлийн жилүүдэд тогтмол зохиогдож байгаа юм.

Энэхүү тэмцээнд Монгол улсаас гадна бусад улсын мастерууд ч оролцох боломжтой. Дөрөв дэх удаагийн тэмцээнийг “А” (35-40) “В” (41-45) “С” (46-50) “D” (51-55) “Е” (56-60) ангиллын 55-62, 70, 78, 88, 100, 100-130 кг-ын жингийн ангиллаар зохион байгуулна.