Тулгар төрийн 2228, Их Монгол улсын 813, Ардын хувьсгалын 98 жилийн ой, Үндэсний их баяр наадмаар урамтай сайхан барилдаж "Монгол Улсын начин" хэмээх эрхэм хүндтэй цол хүртсэн Увс аймгийн Тэс сумын харьяат, "Хилчин" спорт хороо, Хилийн цэргийн 0208 дугаар тусгай салбар, "Увс нуур" галын бөх Жамсрангийн Ням-Эрдэнийн цолны мялаалга наадам 2019 оны есдүгээр сарын есөнд Тэс сумнаа боллоо.

Шинэ начны мялаалга наадамд хурдан их нас, соёолон, даага уралдаж, улс аймгийн алдар цолтой 64 бөхийн барилдаан боллоо.

Хүчит бөхийн барилдаанд Увс аймгийн Тэс сумын харьяат "Сүлд" спорт хороо, "Увс нуур" дэвжээний бөх улсын харцага Т.Баасанхүү зургаа даван түрүүлж, Тэс сумын харьяат чөлөөт бөхийн ОУХМ, аймгийн заан Х.Мөнхжаргал тав даван үзүүрлэлээ. Их шөвөгт Тэс сумын харьяат "Алдар" СХ, Зэвсэгт хүчний 189-р анги, "Увс нуур" галын бөх аймгийн арслан Н.Хүрэлсүх, Цагаанхайрхан сумын харьяат "Увс нуур" галын бөх аймгийн харцага Т.Төгсжаргал нар шалгарав.

            Хурдан морины цуваа:

Их нас
Түрүү: Ц.Нямбаяр хээр /Тэс/
Аман хүзүү: Д.Баатар хээр /Тэс/
Айргийн гурав: Д.Жавзанжамьян хүрэн /Тэс/
Айргийн дөрөв: Ц.Пунцаг хар /Тэс/
Айргийн тав: н.Түмэнбаяр хээр /Тэс/

Соёолон
Түрүү: П.Баттогтох од хүрэн /Тэс/
Аман хүзүү: Ц.Баяртсайхан булаг халзан/Тэс/
Айргийн гурав: Б.Тогмид хүрэн /Тэс/
Айргийн дөрөв: Г.Баттогтох зээрд /Тэс/
Айргийн тав: М.Бэгзжав хээр /Тэс/

Даага
Түрүү: Ц.Жаргалсайхан хээр /Тэс/
Аман хүзүү: Н.Балдорж бор /Тэс/
Айргийн гурав: Д.Норов бор /Тэс/
Айргийн дөрөв: Л.Бямбажав хүрэн /Тэс/
Айргийн тав: Л.Нанжид хонгор /Тэс/