Парис 2024 зуны олимпын жүдо бөхийн төрөл зургаа дахь өдрөө үргэлжилж байна. Өнөөдөр эмэгтэй -78 кг жинд Монголын шигшээ багийн тамирчин энэ оны Азийн аваргын хүрэл медальт, 2022 оны Улаанбаатар их дуулгын хүрэл медальт 19 настай Отгонбаярын Хүслэн зодоглов.

Тэрээр эхний шатанд Пан-Америкийн хошой аварга, 2021 оны Анталъяагийн их дуулгын хүрэл медальт Эквадорын 34 настай Ванесса Чалатай барилдав.

Хоёр бөх хэвтээ барилдаанд удаан барилдсаны дараа эхний торгууль Эквадорын тамирчинд ирсэн. Улмаар О.Хүслэн юазари үнэлгээ авч яллаа.

О.Хүслэн шигшээ 16-д 2023 оны дэлхийн аварга, мастерсын аварга, их дуулгын 1 алт, 4 мөнгө, 5 хүрэлтэй Израилын 24 настай Инбар Ланиртай барилдана.

О.Хүслэн шигшээ 16-д 2023 оны дэлхийн аварга, мастерсын аварга, их дуулгын 1 алт, 4 мөнгө, 5 хүрэлтэй Израилын 24 настай Инбар Ланиртай барилдлаа.

Тун өрсөлдөөнтэй эхэлсэн хоёр бөхийн барилдааны дунд Инбар О.Хүслэнгийн мэхийг хариулж залгуулан даралт авснаар яллаа.