Украины арми мягмар гарагт Оросын нутаг дэвсгэрт агаарын довтолгоо явуулсан бөгөөд энэ нь дайн эхэлснээс хойших хамгийн өргөн цар хүрээтэй дайралт болсон гэв.

Оросын Батлан хамгаалахын яамнаас мэдээлснээр дайралтыг ерөнхийд нь зогсоож чадсан ч Саратов, Энгельс хотууд дайралтад өртсөн аж.

Улмаар зарим сургуулийг цахимаар хичээллүүлж, ойролцоох нисэх онгоцны буудлууд үйл ажиллагаагаа түр зогсоосон байна.

Оросын тал АНУ-аас нийлүүлсэн Atacms пуужин, Их Британийн Storm Shadow далавчит пуужинг устгасан гээд халдлагын хариуг өгөхөө мэдэгдсэн.

Украины арми өнгөрсөн оны арваннэгдүгээр сараас АНУ болон Их Британиас нийлүүлсэн дээрх зэвсгүүдийг Оросын нутаг дэвсгэрт хийх довтолгоондоо ашиглаж эхэлсэн. 

Харин Украины талаас Брянск, Тула, Татарстан зэрэг газруудад цохилт өгч, пуужин болон сум үйлдвэрлэдэг үйлдвэрийг нь онилсон гэсэн юм.

Эх сурвалж: Aljazeera