“Хера Экуйпмент” групп нь 2003 оноос хойш уул уурхай, зам барилгын хүнд машин механизмын худалдаа, түрээс, лизинг болон борлуулалтын дараах засвар үйлчилгээ, сэлбэгийн ханган нийлүүлэлт, хүнд машин механизмын оператор бэлтгэх МСҮТөв зэрэг цогц үйлчилгээг үзүүлсээр ирсэн билээ.

“Хера Экуйпмент” групп нь дэлхийд нэр хүндтэй 10 гаруй хүнд машин механизмын брэндийн монгол дахь албан ёсны онцгой эрхт дистрибьюторын эрхийг эзэмшдэг бөгөөд 2012 оны 10 сард Холбооны Бүгд Найрамдах Герман Улсын “ВИИРТГЕН” группын монгол дахь дистрибьютор болох сонгон шалгаруулалтанд ялж онцгой эрхт дистрибьютор болон ажиллаж эхэлсэн юм.

“ВИИРТГЕН” группын хувьд уул уурхай, замын тоног төхөөрөмжүүд үйлдвэрлэлийн 4 том компанийг нэгтгэсэн ҮДК юм. Үүнд: зам далангийн индүү, асфальт дэвсэгч, бутлуур шигшүүр, хөрс болон ашигт малтмалыг үечлэн хуулж өөр дээрээ бутлагч уул уурхайн машин, хүйтнээр зорогч болон хүйтнээр дахин боловсруулагч замын машинууд хамаарагдана.

“Хера Экуйпмент” групп нь 2013 онд “ВИИРТГЕН” брэндийн олон тооны тоног төхөөрөмжүүдийг монголын зам уул уурхайн компаниудад худалдаалсан бөгөөд энэ удаад хүйтнээр зорогч машиныг анх удаа монгол улсдаа оруулж ирэн тус техникээ танилцуулах өдөрлөгийг өөрийн “Хера Индустриал Парк” талбай дээрээ зохион байгууллаа. Тус өдөрлөгт Хера Экуйпмент болон “ВИИРТГЕН” группын хүндэт төлөөлөгчдөөс гадна дотоодын зам барилга, уул уурхайн компаниудын захирлууд, инженерүүд уригдан оролцож дэлхийд алдартай Хүйтнээр зорогч машиныг хэрхэн ажиллаж буй үйл явцтай танилцлаа.



Тус хүйтнээр зорогч машин нь бетон, асфальтыг хүйтнээр зорох, ачих тэгшлэх зэрэг үйлдлүүдийг нэгэн зэрэг хийдгээрээ онцлогтой: хуучин замыг 2.5 метрийн өргөнөөр, 35 см гүнд зорж хуулан богино хугацаанд өндөр бүтээмж гаргадаг байна.

“Замын дэвшлийг монголдоо” уриатай ажиллаж буй Хера Экуйпмент группын хамт олон дэлхийд технологиороо гайхуулж буй Хүйтнээр зорогч машиныг монгол улсдаа нэвтрүүлж зам барилгын салбарт үнэлэхүйц хувь нэмэр оруулж байгаад тус өдөрлөгт уригдан ирсэн зочид сайшаан хүлээн авч байсан юм.