Шинэ төрлийн коронавирусийн халдвар дэлхий дахинд тархаж буй энэ үед дэлхийн бүхий л улс оронд эмч, сувилагч, эмнэлгийн ажилтнууд эрдэнэт хүний амь насыг аврахын төлөө нэг ч хором алдахгүйг хичээн ажиллаж байна. 

Дэлхий нийтийг түгшээсэн цар тахлын тархалтыг барьж тогтоох нь зөвхөн эрүүл мэндийн байгууллагын хийх ажил биш, улс орнуудын эв нэгдэлтэй, хамтын ажиллагаанаас хамаарах зүйл гэдгийг ДЭМБ-ын зүгээс мэдэгдэж буй. Гэхдээ ачааны хүндийг ЭМЧ НАР нуруундаа үүрч, цар тахалтай тэмцэх фронтод 24 цагаар ажиллаж байгаа юм. Тэгвэл дэлхий дахинд ЭМЧ НАРТАА БАЯРЛАЛАА хөдөлгөөн өрнөж байна.