Ганцхан долоо хоногийн дараа намар болж, хичээл сургууль эхлэх гэж байна. Энэ удаа бид нийслэлд үйл ажиллагаа явуулж байгаа Хүүхэд, залуучуудын байгууллагаар орж, сурагчдын амралт чөлөөт цагт зориулсан дугуйлан, секцүүдийн талаарх мэдээллийг хүргэж байна.

ХҮҮХДИЙН УРЛАН БҮТЭЭХ ТӨВ

Хүүхэд багачуудын чөлөөт цагаа зөв өнгөрүүлдэг цөөхөн газрын нэг нь гавьяат багш Б.Цэрэндоржийн нэрэмжит Монголын хүүхдийн урлан бүтээх төв. Тус төвийнхөн энэ хичээлийн жилд уран зураг, хүүхэлдэй, бэлэг дурсгал, сүрлэн урлал, хувцас дизайн, эсгий урлал, баримал, ханын чимэглэл, сийлбэр зэрэг төрлөөр 19 ангид элсэлт авна.

Эдгээр дугуйлангийн ач холбогдол нь хүүхдийн сэтгэн бодох чадвар болон бүтээлч сэтгэлгээг хөгжүүлэх юм. Бүртгэлийн 20 мянган төгрөгийг эс тооцвол үнэ төлбөргүй юм байна. Тус төв доорх ангиудад хүүхдүүдийг бүртгэх аж.

1. Уран зураг
2. Сийлбэр
3. Ханын чимэг сийлбэр
4. Сүрлэн наамал
5. Сүрлэн сүлжмэл
6. Хүүхэлдэй бэлэг дурсгал
7. Баримал керамик
8. Хайчилбар
9. Шүрэн урлал, хүүхэлдэй бэлэг дурсгал
10. Хувцас дизайн
11. Арьсан урлал
12. Нисэх онгоцнызагвар зохион бүтээх
13. Усан онгоцны загвар зохион бүтээх
14. Авто машины загвар зохион бүтээх
15. Автоматик электроник
16. Анхан шатны сургалт /2-5-р анги/

Шинээр нэмэгдсэн гурван анги:

1. Уран дархан
2. Монгол зураг
3. Эсгий урлал

Бүртгэл: 2016 оны есдүгээр сарын 1-нээс. Өдөр бүр 09:00-17:00 цагийн хооронд өөрийн байранд.

Суралцагч 2-5 жилийн хугацаатай үнэ төлбөргүйгээр сургалтад хамрагдана. Холбогдох утас: 321052, 325703, 329426

МОНГОЛЫН ХҮҮХДИЙН ОРДОНД 

Хүүхдийн ордны хувьд, уран бүтээл, хэл, урлагийн төрлөөр 19 дугуйлан хичээллэж, одоогоор 2000 орчим хүүхэд суралцаж байна. Хүүхдүүд мөн л хичээлийн бус цагаар сонирхсон ангидаа суралцана. Хэл, уран бүтээлийн ангиуд хоёр жилийн сургалттай. Одоогоор доор дурдсан ангиудад хүүхэд бүртгэнэ гэхээс өөр мэдээлэл байхгүй бөгөөд есдүгээр сарын 6-ны өдрөөс бүртгэл эхлэх аж.

Бүртгэл эхэлсний дараа төлбөр болон аль аль ангиуд ямар цагаар хичээллэх тухай дэлгэрэнгүй мэдээлэл гаргах юм байна.

1. Хийл
2. Төгөлдөр хуур
3. Ятга-төгөлдөр хуур
4. Шанз-төгөлдөр хуур
5. Хуучир-ёочин-гоцлол дуу
6. Морин хуур
7. Цахилгаан хөгжим
8. Лимбэ
9. Бүжиг
10. Дуулаач
11. Драм
12. Шатар
13. Зураг
14. Загвар
15. Математик
16. Хятад хэл
17. Япон хэл
18. Англи хэл
19. Ёочин

Бүртгэл: Есдүгээр сарын 6-наас эхлэн Монголын хүүхдийн ордны байранд. Холбогдох утас: 318274

ӨСВӨРИЙН ЗОХИОН БҮТЭЭГЧДИЙН ЛАБОРАТОРИ АХЛАХ СУРГУУЛЬ

Гэрэл зургийг: news.barilga.mn

1975 онд анх байгуулагдсан “Идэр техникчдийн ордон” өдгөө хэд хэдэн удаа нэрээ сольж, өнөөдөр “Өсвөрийн зохион бүтээгчдийн лаборатори ахлах сургууль” болжээ. Элсэлтийн шалгалтын бүртгэл энэ сарын 22-ны өдрөөс эхэлсэн юм байна.

Архитектур-интерьер дизайн, график дизайн, компьютер программчлал, үсчин гоо сайхан, хими технологи, хувцас загварын төрөлжсөн сургалт, авто загвар, усан загвар, нисэх загвар, робот электроникийн дугуйлангууд хичээллэх аж.

Мэргэжлийн чиг баримжаа олгох сургалт/9, 10 дугаар ангид элсэлт авна/:

Давуу тал:

• Математик
• Гадаад хэл
• Химийн гүнзгийрүүлсэн сургалттай

1. Архитектур-интерьер дизайн
2. График дизайн
3. Хувцас загвар
4. Хими технологи
5. Үсчин, гоо сайхны мэргэжлийн ангиудтай.

Дугуйлангууд:

• Нисэх загвар
• Усан загвар
• Авто загвар
• Робот-Электроник
• Дуулаач
• Төгөлдөр хуур
• Уран зураг
• Сагсан бөмбөг

Төлбөр 200 мянган төгрөг Холбогдох утас: 328098