Дөрөвдүгээр сарын 23-нд “Бидний дэм -Тэдний урам” өдөрлөгөөр хөгжлийн бэрхшээлтэй иргэд, тэдний асран хамгаалагчдын урласан ГОГО номыг танилцуулна.

Энэ ном нь эсгийгээр хийсэн цуврал ном бөгөөд эхний бүлэг нь бага насны хүүхдүүдийг дүрс ялган танихад зориулжээ.

"Бидний дэм" төрийн бус байгууллагаас хэрэгжүүлж буй "Дэм" төслийн хүрээнд уг өдөрлөгийн зохион байгуулж байна. Өдөрлөг 23-ны 13.30 цагаас Хан-Уул дүүрэгт байрлах Lilium Gallery & Lounge-д болно.

Төсөл нь хөгжлийн бэрхшээлтэй иргэд, тэдний асран хамгаалагчдын гар урлалын бүтээгдэхүүний нэгдсэн сан үүсгэж, бүтээгдэхүүн, үйл ажиллагааг нь олон нийтэд сурталчлан таниулснаар тэдгээр гэр бүлүүдийн орлогыг нэмэгдүүлэх зорилготой.

Хөгжлийн бэрхшээлтэй иргэд, тэдний асран хамгаалагчдын урласан бүтээгдэхүүнийг цахимаар худалдан авах боломжтой юм.

Та ЭНД дарж тэдний бүтээгдэхүүнтэй танилцаарай.