Хичээлийн шинэ жил эхлэхэд хэдхэн хоног үлдээд байна. Энэ өдрүүдэд эцэг эхчүүд хүүхдийнхээ хичээлийн хэрэгслийг базааж байна.

Үүнтэй холбогдуулан манай сурвалжлагын баг зах зээл дээрх бичиг хэрэгслийн үнэ ханш ямар байгааг сонирхохоор нийслэлчүүд болон орон нутгийн иргэдийн хамгийн их үйлчлүүлдэг Нарантуул, Оргил худалдааны төвийг зорьсон юм.

Оргил худалдааны төвөөр ороход бичиг хэрэгслийн бараандаа хямдрал зарласан байсан бөгөөд Нарантуул захын үнэ ханштай харьцуулахад харьцангуй хямд байгаа нь ажиглагдсан.


 
Тухайлбал, Нарантуул зах дээр 24 хуудастай дэвтэр 250 төгрөг, 80 хуудастай дэвтэр 650 төгрөг, Зургийн дэвтэр 500-800 төгрөг байсан бол Оргил худалдааны төвд 24 хуудастай дэвтэр 215 төгрөг, 80 хуудастай дэвтэр 560 төгрөг, зургийн дэвтэр 310-540 төгрөг байв.

Харин хичээлийн цүнхний дундаж ханш 6000-57.000 төгрөг байсан бол эрэгтэй эмэгтэй сурагчийн дүрэмт хувцас 13.000-15.000 төгрөгийн хооронд хэлбэлзэж байсан юм.



Түүнээс гадна “Батзүү” компани сурагчийн дүрэмт хувцсаа 10 мянган төгрөгөөр буюу харьцангуй хямд үнээр худалдаалж байгаа аж. Учир нь тус үйлдвэр хичээлийн шинэ жилийг угтан сурагчийн дүрэмт хувцсандаа 50 хувийн хямдрал зарлажээ.

Дашрамд дурьдахад хичээлийн хэрэгслийн үнэ ханш өмнөх жилүүдийнхээс харьцангуй өссөн нь ажиглагдаж байсан. Тухайлбал өнгөрсөн жил 12 хуудастай дэвтэр 100 төгрөг, зургийн дэвтэр 270-700 төгрөг, Баримлын шавар 780-1750 төгрөг, өнгийн харандаа 420-3750 төгрөгийн ханштай байжээ.

Хичээлийн хэрэгслийн үнэ ханшийн харьцуулсан дэлгэрэнгүй мэдээллийг доорх хүснэгтээс авна уу.

Хичээлийн хэрэгслийн үнэ ханш



Г.Одгарав