“Эрдэнэс таван толгой” ХК нь төрийн өмчийн, хоёр дахь том, уул уурхайн компани юм. Мөн манай улсын 2.5 сая иргэн тус компанийн хувьцааг эзэмшиж, ногдол ашиг хүртэж эхэлсэн.   

Тус компанийн ТУЗ-д нийт 11 гишүүн бий. Төрөөс буюу эрх баригч намаас томилсон гишүүдийн хөрөнгө орлогын мэдүүлгийг хүргэе. Хараат бус гишүүдийн мэдээллийг оруулаагүй болно.      

Б.БАТ-ЭРДЭНЭ ХОЁР КОМПАНИ ЭЗЭМШДЭГ

ШӨХТГ-ын дарга, “Эрдэнэс таван толгой” компанийн ТУЗ-ийн дарга Б.Бат-Эрдэнийн 2020 оны хөрөнгө орлогын  мэдээллийг танилцуулъя. Тэрээр жилд 12 сая, гэр бүл нь 10 сая төгрөгийн орлоготой. 450 сая төгрөгийн нэг байр, 50 сая төгрөгийн нэг машинтай. Зуун сая төгрөгийн үнэ бүхий 400м2 газар эзэмшдэг. Гадаад худалдаа эрхэлдэг “Монгол тулгат финанс”, болон “Монмарт трэйд” компаниудыг 100 хувь эзэмшдэг.   

Бат-Өлзийн БАТ-ЭРДЭНИЙН НАМТАР

-Мэргэжил: Түүхч;
-Боловсролын зэрэг: Магистр;

Боловсрол:

-Улаанбаатарын их сургууль, бакалавр 1995-1999 он;
-Улаанбаатарын их сургууль, магистр 2005-2010 он;
-Монгол Улсын их сургууль, Улс төр судлал, докторант.

Ажлын туршлага:

-“Силк Роуд Трэвел” ХХК, “Эйр тикет” ХХК-ийн ерөнхий захирал, 2003-2012 он;
-Мэдээлэл, харилцаа холбоо шуудангийн газрын зөвлөх, 2011-2012 он;
-МАН-ын дэргэдэх НАМЗХ-ны Ерөнхий нарийн бичгийн дарга, 2012-2015 он;
-Монгол Улсын Шадар сайдын зөвлөх, 2015 он;
-Мэргэжлийн хяналтын ерөнхий газрын дэд дарга, 2015-2016 он;
-Улсын Их Хурлын Тамгын газарт зөвлөх, 2016-2017 он;
-Засгийн газрын Хэрэг эрхлэх газрын Дэд дарга, 2018 он;
-“Эрдэнэс Монгол” ХХК-ийн Төлөөлөн удирдах зөвлөлийн дарга, 2018 он;
-Шударга өрсөлдөөн, хэрэглэгчийн төлөө газрын дарга 2020 оноос

Г.НАНДИНЖАРГАЛ 454 САЯ ТӨГРӨГИЙН ҮНЭ БҮХИЙ ДӨРВӨН БАЙРТАЙ

“Эрдэнэс таван толгой” компанийн ТУЗ-ийн гишүүн, УУХҮЯ-ны Төрийн нарийн бичгийн дарга Ганболдын Нандинжаргалын хөрөнгө орлогын мэдүүлэг

2017 онд тэрээр жилд 164 сая төгрөгийн орлоготой байсан ч үүнээс хойш тогтмол буурсаар 2020 онд 42 сая төгрөг болжээ. Гэр бүлийн орлого нь мөн л буурч, нэг жилийн хугацаанд 276 саяас 131 сая төгрөг болж буурчээ.         

Ганболдын НАНДИНЖАРГАЛ

-Мэргэжил: Олон улсын эдийн засагч;
-Боловсролын зэрэг: Магистр;

Боловсрол:

-Москва хотын Олон улсын харилцааны дээд сургууль 1998-2003 он;
-АНУ, Вашигтон хот, Стрейр их сургууль 2007-2009 он.

Ажлын туршлага:

-Монголбанкны Мөнгөний бодлого судалгааны газрын эдийн засагч, 2003-2010 он;
-Нийслэлийн Засаг даргын Тамгын газарт Хотын хөгжлийн бодлогын хэлтсийн дарга,  2010-2013 он;
-Нийслэлийн эдийн засгийн хөгжлийн газрын орлогч дарга, 2013 он;
-Үйлдвэр, хөдөө аж ахуйн яамны Төрийн захиргааны удирдлагын газрын дарга, 2013 он;
-Үйлдвэр, хөдөө аж ахуйн яамны Хүнсний бодлогын хэрэгжилтийг зохицуулах газрын дарга, 2014-2015 он;
-“Эрдэнэс Монгол” ХХК-ийн дэд захирлын багт Төслийн захирал, 2015 он;
-“Монголын хөрөнгийн бирж” ТӨХК-д Хяналт шалгалтын газрын захирал, 2015-2016 он;
-Уул уурхай, хүнд үйлдвэрийн яамны Төрийн нарийн бичгийн дарга, 2016 оноос одоог хүртэл

С.НАРАНЦОГТ ДАРГА 250 САЯ ТӨГРӨГИЙН ЗЭЭЛТЭЙ

Сангийн яамны газрын дарга, ЭТТ ХК-ийн ТУЗ-ийн гишүүн С.Наранцогтын хөрөнгө орлого

2019 он түүний өөрийн жилийн орлого хамгийн өндөр буюу 114 сая төгрөг байсан ч өнгөрсөн онд буурч, 83 сая төгрөг болжээ. Тэрээр 650 сая төгрөгийн үнэтэй, нийтийн нэг орон сууцтай.      

Санжаагийн НАРАНЦОГТ

-Мэргэжил: Физик-Математикч, Инженер-Эдийн засагч;
-Боловсролын зэрэг:  Шинжлэх ухааны доктор (PhD);

Боловсрол:

-Монгол Улсын Их Сургууль, Физикч-математикч, 1990-1994 он;
-Монгол Улсын Их Сургууль, магистр, 1999-2001 он;

Боловсролын зэрэг, цол: Сөүлийн Үндэсний их сургууль, Шинжлэх ухааны доктор, 2005-2008 он

Ажлын туршлага:

-Улаанбаатар, Математикийн хүрээлэн, Эрдэм шинжилгээний ажилтан, 1993-1994 он;
-Улаанбаатар, Шинжлэх ухаан, мэдээллийн төв, Инженер, ахлах инженер,1994-1997 он;
-Монголын нээлттэй нийгэм хүрээлэн, Хөтөлбөрийн зохицуулагч, 1997-2000 он;
-“Ай-Си ” ХХК, Ерөнхий менежер, 2000-2003 он;
-Сангийн яам, мэргэжилтэн, хэлтсийн дарга, 2003-2005;
-Боловсрол, соёл, шинжлэх ухааны яам, газрын дарга, 2008-2012 он;
-Хөдөлмөрийн яам, газрын дарга, 2012-2015;
-Сангийн яам, газрын дарга, 2015-2018
-Сангийн яамны Төрийн нарийн бичгийн дарга, 2018 оноос одоог хүртэл

ЭРЧИМ ХҮЧНИЙ ДЭД САЙД Т.ГАНТУЛГЫН ЖИЛИЙН ОРЛОГО ХАГАС ТЭРБУМ ТӨГРӨГТ ХҮРЧЭЭ

"ЭТТ" ХК-ийн ТУЗ-ийн гишүүн Т.Гантулгын хөрөнгө орлогын мэдүүлэг

Түүний жилийн орлого 2018-2019 онд буурсан ч 2020 онд 500 сая болж өсжээ. Харин гэр бүлийн жилийн орлого нь 130 саяас 127 сая төгрөг болсон байна. Тэрээр 360 сая төгрөгийн хоёр орон сууц, 60 сая төгрөгийн машин, 400 сая төгрөгийн үнэт эдлэлтэй. 

Түдэвхүүгийн ГАНТУЛГЫН НАМТАР

-Мэргэжлийн хяналтын ерөнхий газрын дарга;
-Мэргэжил: Түүх, нийгмийн багш, улс төр судлаач, эрх зүйч;
-Боловсролын зэрэг: Боловсролын доктор (PhD);

Боловсрол:

-Москва хот, Хүмүүнлэгийн их сургууль, Түүх, нийгмийн багш, 1985-1990 он;
-Улаанбаатар хот, Үндэсний тагнуулын академи, эрх зүйч, 2002-2004 он.

Боловсролын зэрэг, цол:

-Боловсролын Доктор, МУИС, 2000 он;
-Дэд профессор, Их засаг их сургууль, 2005 он;
-Профессор, ОХУ-ын Ерөнхийлөгчийн дэргэдэх Аюулгүй байдал, батлан хамгаалах эрх зүйн академи, 2008 он

Ажлын туршлага:

-Дорноговь, Зүүнбаян, Зэвсэгт хүчний 201 дүгээр анги, Хугацаат цэргийн албан хаагч, жагсаалын дарга, 1980-1983 он;
-Говь-Алтай аймгийн ХЗЭ-ийн хороо, Байгаль хамгаалал, залуучуудын асуудал хариуцсан зааварлагч, 1983-1985 он;
-Говь-Алтай аймгийн МАН-ын хороонд улс төрийн ажилтан, 1990-1994 он;
-“Алтай кашмер” ХХК-ийн ерөнхий захирал, 1994-2000 он;
-МАН-ын удирдах зөвлөл, Ажлын албанд даргын зөвлөх, 2000-2005 он;
-Байгаль орчин, аялал жуулчлалын яамны Төрийн нарийн бичгийн дарга, 2008-2009 он;
-Хүнс, хөдөө аж ахуй, хөнгөн үйлдвэрийн яамны Төрийн нарийн бичгийн дарга, 2009-2012 он;
-МАН-ын удирдах зөвлөл, Ажлын алба, Намын нарийн бичгийн дарга, 2013-2016 он;
-Эрчим хүчний яамны дэд сайд, 2016-2020 он;
-Мэргэжлийн хяналтын ерөнхий газрын газрын дарга 2020 оноос

"ЭТТ" ХК-ИЙН ГҮЙЦЭТГЭХ ЗАХИРАЛ Б.ГАНХУЯГИЙН ХӨРӨНГӨ ОРЛОГЫН МЭДҮҮЛЭГ

Түүний өөрийн орлого 2020 онд 199 сая төгрөг болж, 2019 оныхоос хоёр дахин буурчээ. Тэрээр 990 сая төгрөгийн үл хөдлөх хөрөнгө, 249 сая төгрөгийн нэг машинтай. Малаа 46 сая төгрөг, үнэт эдлэлээ 86 сая төгрөгөөр үнэлжээ. Мөн тэрээр 252 сая төгрөгийн зээлтэй.    

Баттулгын ГАНХУЯГИЙН НАМТАР

-Мэргэжил: Эрх зүйч, улс төр судлаач;
-Боловсролын зэрэг: - Улс төр судлалын доктор (PhD)
-Хууль зүйн Магистр (Master of Laws)

Боловсрол:

-1997-2001 онд Монгол улс, МУИС, Хууль зүйн сургууль, Эрх зүйч, бакалавр;
-2005-2007 онд Монгол улс, МУБИС, Улс төр судлалын магистр;
-2013-2015 онд Их Британи улс, Салфордын ИС, Хууль зүйн магистр (Master of Laws);  
-2015-2019 онд Монгол улс, МУБИС, Улс төр судлалын доктор (PhD);  

Ажлын туршлага:

-1999-2000 онд Монголын үндэсний худалдаа, аж үйлдвэрийн танхим, (МҮХАҮТ) ажилтан;
-2001-2007 онд Монголын оюутны холбоо, (МОХ) дэд ерөнхийлөгч, ерөнхийлөгч;
-2005-2007 онд Ерөнхийлөгчийн тамгын газар, (МУЕТГ) орон тооны бус зөвлөх;
-2005-2007 онд “City phone” ХХК-ийн Гүйцэтгэх захирал; 
-2007-2013 онд “Эрдэнэс Монгол” ХХК-ийн Захиргааны хэлтсийн дарга, Дэд захирал;
-2008-2010 онд “Эрдэнэс Тавантолгой” ордын олборлолт хариуцсан төслийн захирал;
-2008-2012 онд Засгийн газрын “Таван толгой” төслийн Ажлын нэгжийн ахлагч, нарийн бичгийн дарга;
-2011-2012 онд “Эрдэнэс Тавантолгой” ХК-ийн Төлөөлөн удирдах зөвлөлийн гишүүн;
-2011, 2012, 2013-2015 онд АНУ болон Их Британи улсад суралцсан, мэргэжил дээшлүүлсэн;
-2014-2016 онд Улсын Их Хурлын гишүүн болон Монгол Улсын Шадар сайдын зөвлөх;
-2016-2018 онд “Эрдэнэс Тавантолгой” ХК-ийн Тэргүүн дэд захирал;
-2018 оноос одоог хүртэл “Эрдэнэс Тавантолгой” ХК-ийн Гүйцэтгэх захирал, ТУЗ-ийн гишүүн;

АМГТГ-ЫН ОРЛОГЧ ДАРГА Ц.ЭРДЭНЭБАЯР 410 САЯ ТӨГРӨГИЙН АВЛАГАТАЙ   

“Эрдэнэс Тавантолгой” ХК-ийн Төлөөлөн удирдах зөвлөлийн гишүүн Ц.Эрдэнэбаярын хөрөнгө орлого

431 сая төгрөгийн үл хөдлөх хөрөнгө, 114 сая төгрөгийн тээврийн хэрэгсэл, 47 сая төгрөгийн үнэ бүхий хурдан удмын гурван адуутай.

Цэндийн ЭРДЭНЭБАЯРЫН НАМТАР

-Мэргэжил: Инженер;
-Боловсролын зэрэг: Магистр;

Боловсрол:

-Шинжлэх ухаан, технологийн их сургууль, бакалавр, 1998-2004 он;
-Шинжлэх ухаан, технологийн их сургууль, магистр, 2016-2019 он;
-Удирдлагын академи, Мэргэшүүлэх бакалавр, 2019-2020 он.

Ажлын туршлага:

-“Монголын цахилгаан холбоо” ТӨХК-нд засварчин, техникч, инженер, 1998-2006 он;
-Нийслэлийн МАН-ын хорооны Зохион байгуулалтын хэлтсийн дарга, 2008-2011 он;
-Нийслэлийн ИТХ, МАН-ын бүлгийн ажлын албаны дарга, 2008-2011 он;
-МАН-ын ерөнхий нарийн бичгийн даргын орон тооны зөвлөх, 2015-2016 он;
-“Бэржин Уньт” ХХК-ийн Гүйцэтгэх захирал, 2016-2018 он;
-Ашигт малтмал, газрын тосны газрын ТЗУХ, Газрын тос, шатах ашигт малтмалын шинжилгээ, туршилтын лабораторын дарга, орлогч даргын үүргийг түр орлон гүйцэтгэгч, 2016-2018 он;
-Ашигт малтмал, газрын тосны газрын ТЗУХ, Газрын тосны салбарын асуудал хариуцсан орлогч дарга 2018 оноос одоог хүртэл

“ЭРДЭНЭС ТАВАНТОЛГОЙ” ХК-ИЙН ТӨЛӨӨЛӨН УДИРДАХ ЗӨВЛӨЛИЙН ГИШҮҮН Ц.БАЯР-ЭРДЭНИЙН ХӨРӨНГӨ ОРЛОГО

Түүний өөрийн орлого 2017 оноос тогтмол өсөж, жилийн 87 сая төгрөг болжээ. Тэрээр үл хөдлөх хөрөнгөгүй. Жаран сая төгрөгийн үнэ бүхий том оврын, хоёр ачааны машинтай. Мал аж ахуйгаа 70 сая төгрөгөөр,үнэт эдлэлээ 13 сая төгрөгөөр үнэлжээ.

“Бүрэн эрхэм эрдэнэ” компанийг 100 хувь эзэмшдэг.    

Цэнд-Даваагийн БАЯР-ЭРДЭНИЙН НАМТАР

-Төрийн өмчийн бодлого, зохицуулалтын газрын Бодлого төлөвлөлт, удирдлагын хэлтсийн дарга;
-Мэргэжил: Улс төр судлаач-нийгмийн ухааны багш;

Боловсрол:

-Монгол Улсын их сургууль, Улс төр судлаач-нийгмийн ухааны багш, 1997-2001 он;
-АНУ, Страйерын Их сургууль, Төрийн удирдлагын менежер, 2012-2014 он.

Ажлын туршлага:

-МАН-ын сургалт, судалгааны хэлтэс, Прогноз төв, 2001 он;
-Английн парламент, Парламентын гишүүний туслах-дадлагажигч, 2006 он;
-МАН-ын сургалт, судалгааны хэлтэс, Прогноз төвийн дарга, албаны дарга, 2006-2008;
-Нийслэлийн МАН-ын хороo, Зохион байгуулалтын хэлтсийн дарга, 2008-2011 он;
-Нийслэлийн ИТХ, МАН-ын бүлгийн ажлын албаны дарга, 2008-2011 он;
-МАН, Намын ерөнхий нарийн бичгийн даргын орон тооны зөвлөх, 2015-2016 он;
-Төрийн өмчийн бодлого, зохицуулалтын газрын Бодлого төлөвлөлт удирдлагын хэлтсийн дарга 2016- одоог хүртэл