УИХ-ын чуулганы хуралдаан үргэлжилж байна. Үндэсний баялгийн сангийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төсөлтэй холбоотойгоор А.Ариунзаяа гишүүн иргэд цаашид хуримтлал, баялгийн сангаа нийлүүлээд хэрэглэх боломжтой эсэхийг тодруулсан. 

Үүнд Н.Учрал гишүүн, Өнөөдөр Үндэсний баялгийн тухай хууль амилж байна. Баялгийн санд хуримтлал үүсээд иргэн бүрд хадгаламж хэлбэрээр харагдаж байна гэдэг нь том дэвшил. Ирээдүйн өв санг 2030 он хүртэл үр хойчдоо өвлүүлэх байдлаар хадгалаад цаашдаа санхүүгийн хэрэгслээр оруулах, цаашлаад Сингапурын жишгээр бол хуримтлал үүсгээд, өгөөжийг нь нэмэгдүүлэх үйл ажиллагаануудыг зохион байгуулах шаардлагатай. 

Үүнийг олон улсын жишгээр бол цалинтай нь уядаг. Нийгмийн даатгалын шинэчлэлийн хүрээнд тэтгэврийн шинэчлэлийг эхлүүлэхдээ 2 хувийг нь хуримтлалд шилжүүлэх эхлэл тавьсан. Төлсөн нийгмийн даатгалын шимтгэлээр тэтгэвэрт гардаг тогтолцоонд шилжихгүй бол идэвхтэй ажиллаж байгаа залуучуудын төлж байгаа мөнгийг тэтгэвэрт гарагчдад төлөөд, гурван хүний тэтгэврийг нэг хүн барагдуулна гэвэл нийгмийн даатгал төлөх сонирхолтой иргэд байхгүй болно. 

Олон улсын жишгээр 2030 оноос хойш баялгийн сан тэтгэврийн сан хэлбэрээр ажиллаж байж иргэний халаасанд орох юм билээ.

Үндэсний баялгийн сан санхүүгийн хэрэгсэл рүү оруулдаг, бирж дээр гарсан хувьцаа, үнэт цаас авдаг, хөрөнгө босгодог чиглэлд явж байж төлсөн шимтгэл нь баялгийн хуримтлалтай нь хамт иргэнд өөрт нь ирдэг хэлбэрт шилжинэ.

Үүнийг боловсрол, эрүүл мэндтэй нь уясан. Тэгэхээр ажил хийж л байвал сайхан амьдардаг, эрүүл мэнд, боловсролын үйлчилгээ авдаг системийг бий болгох гэсэн юм. Үр өгөөжийг нь нэмэгдүүлэхийн төлөө ажиллах болно гэлээ. 

Шууд дамжуулалт үзэх: