Хятадад эмэгтэйчүүдийн ариун цэврийн хэрэглэл үйлдвэрлэгч компаниуд сурталчилснаасаа богино хэмжээтэй хэрэглэл борлуулдаг гэсэн шүүмжлэл гарчээ.

Үүний дараа ариун цэврийн хэрэглэл үйлдвэрлэгч томоохон компаниуд хэрэглэгчдээсээ уучлалт гуйж байна.

Тодруулбал нэгэн хятад эмэгтэй ариун цэврийн хэрэглэлийн уртыг хэмжиж гадна нүүрэндээ заасан хэмжээнээс богино байгааг харуулсан бичлэг цахим сүлжээнд нийтэлсний дараа энэ шүүмжлэл улам газар авчээ.

Тус эмэгтэй бичлэгээ "Хэдэн см хаслаа гээд та нар баян болж байна уу?" гэсэн тайлбартайгаар нийтэлсэн аж. 

Улмаар эмэгтэйчүүдийн хамгийн өргөн хэрэглэдэг, эрүүл ахуйн бүтээгдэхүүний чанарын асуудалд анхаарал хандуулахыг хятад эмэгтэйчүүд шаардаж эхлэв.

Их хэмжээний гомдол ирсний дагуу эрх баригчид ариун цэврийн хэрэглэлийн үндэсний стандартыг шинэчилж байгаа хэмээн орон нутгийн хэвлэл мэдээлжээ.

Ариун цэврийн хэрэглэл нь Хятадад хамгийн түгээмэл хэрэглэгддэг эмэгтэйчүүдийн эрүүл ахуйн бүтээгдэхүүн бөгөөд зах зээлийн үнэлгээ нь 13 тэрбум доллар байдаг аж.

Эх сурвалж: ВВС