Парис 2024 зуны олимпын дугуйн замын эрэгтэй ганцаарчилсан төрлийн цуваа гараа Улаанбаатарын цагаар 22:32 цагт эхэллээ. Time Trial гэж нэрлэдэг тус төрөлд нийт 34 дугуйчин уралдах бөгөөд өөр өөр цагт гараанаас гарч барианд орсон хугацаагаараа медалийн тавцанд зогсоно.

Цуваа гарааны сүүлээсээ 21-т Монголын шигшээ багийн тамирчин Сайнбаярын Жамбалжамц 22:51:30 цагт гараанаас гарлаа.

Уг гарааны замын урт 32.4 км бөгөөд тамирчид Парисын "Les Invalides" талбайгаас хөдөлж хотын гудмаар давхисаар 3-р Александер гүүрэнд барианд орно.

Монголчууд дугуйн төрлөөр гурав дахь олимпдоо оролцож байгаа нь энэ бөгөөд С.Жамбалжамц 2023 оны ДАШТ-д 53, 2023 оны Азийн наадамд хүрэл медаль хүртсэн амжилттай.

Замын эхний хагас буюу 13.1 км замыг туулсан хугацаагаар С.Жамбалжамц 16:02.44 (16 минут 02.44 секунд) цагийн амжилтаар 19-р байрт бичигдэж байна. Тэрээр нэгт бичигдэж буй тамирчнаас 1 минутаар хоцорч явна.

С.Жамбалжамц 22 дахь км-ыг 27:29.18 цагт туулсан амжилтаар одоогоор 13-т бичигдэж байна.

С.Жамбалжамц 40:19.93 хугацаагаар барианд орлоо. Энэ нь тэргүүлэгчээс 2:24.31 хугацаагаар хоцорсон үзүүлэлт бөгөөд одоогоор тэмцээний 11-р байрт бичигдэж байна.

Тэрээр наймдугаар сарын 3-ны 17:00 цагт дугуйн замын бөөн гараанд уралдана.

С.Жамбалжамц нийт 34 тамирчнаас 28-р байр эзэллээ. Цуваа гараанд Бельгийн тамирчин Ремко Эвэнепоел 36:12.16 хугацаагаар түрүүлсэн бол С.Жамбалжамц түүнээс 4 минутаар хоцорлоо.