Сербийн өнцөг булан бүрээс цугласан 50 мянга гаруй иргэн Парламентынхаа ордны өмнө уржигдар жагсч дахин сонгууль явуулахыг эрх баригч намаас шаарджээ. Улс орныг хүчтэй нэрвэсэн эдийн засгийн хямрал ингэж шаардах гол шалтгаан болсон байна.

Эдүгээ Сербийн засгийн эрхийг урьд хожид байгаагүй олон буюу 10 намаас бүрдсэн эвсэл барьж байгаа юм. Тэд эвслээ 2008 оны сонгуулийн үр дүнгээр байгуулсан бөгөөд дараагийн сонгууль 2012 онд болох ёстой юм.

Эсэргүүцлийн жагсаалд оролцсон иргэдийн тоог ВВС агентлаг 50 мянга гэсэн бол Франс Пресс агентлаг 70 мянга гэж мэдээлсэн байна.