Мод тарих үндэсний өдрийг тохиолдуулан "Ногоон төгөл-Ногоон хотхон" аяныг Сүхбаатар дүүргийн нэгдүгээр хорооны Засаг даргын ажлын албанаас санаачлан зохион байгуулав.

Аяны хүрээнд нэгдүгээр сургуулийн төгсөх ангийн 150 сурагч, хорооны иргэдийн оролцоотойгоор Үндэсний соёл амралтын хүрээлэнд нийт 300 ширхэг хайлаас мод тарьж, дурсгалын ногоон төгөл бий болголоо.

Мөн иргэн Ө.Наранцацрал гэр бүлийн хамт 20 ширхэг голт бор, үрлийн мод тарьж хорооноос зохион байгуулсан ажилд идэвхтэй оролцов.