2018 оны телевиз үзэгчийн судалгааны нэгдсэн тайланг Максима компаниас танилцууллаа.
2018 онд онцлох үйл явдлаар цөөн, салбарын үйл ажиллагаа хэвийн тогтвортой үргэлжиллээ гэж тус компани дүгнэжээ. Монголын телевизүүд олон улсын спортын томоохон наадмуудыг тогтмол, цаг алдалгүй шууд дамжуулдаг уламжлал энэ онд ч мөн үргэлжиллээ. 2018 оны спортын томоохон наадмуудын тоонд Өмнөд Солонгосын Пёнчан хотод зохион байгуулагдсан Өвлийн спортын 23-р олимпын их наадам, ОХУ-д зохион байгуулагдсан Хөлбөмбөгийн ДАШТ зүй ёсоор багтана.
Эдгээр тэмцээнийг Монголын телевизүүд шууд дамжуулсан бөгөөд Өвлийн олимпын наадмыг TV5 телевиз, Хөлбөмбөгийн ДАШТ-ийг МҮОНТ болон NTV телевизүүд хамтран шууд дамжууллаа. Шууд дамжуулалт тухайн сувгийн рейтингэд эергээр нөлөөлж байсныг судалгааны дүн харуулав. Энэ нь эдгээр телевизүүд үзэгчдийн хэрэгцээ, сонирхлыг хангаж ажилласны илрэл юм.
Спортын томоохон наадмуудаас гадна олон улсын формат бүхий шоу нэвтрүүлгүүд амжилттай байсныг жилийн хамгийн өндөр рейтингтэй нэвтрүүлгийн жагсаалтыг Боловсрол суваг ТВ-ийн “Яг түүн шиг” шоу, Монгол ТВ-ийн “Авьяаслаг Монголчууд” болон “Voice” шоунууд тэргүүлсэн үр дүнгээс харж болно. “Яг түүн шиг” болон “Авьяаслаг Монголчууд” шоунуудын хувьд энэ онд тус бүр 3 дахь жилдээ цацагдсан бол “Voice” шоуны хувьд энэ онд анх удаа цацагдсан билээ.
Үзэгчдийн 50-иас илүү хувийг нэг дор төвлөрүүлж чаддаг 2 нэвтрүүлэг нэг өдөр, нэг цагт зэрэг гарсан тохиолдол 2018 онд гарлаа. Эдгээр нэвтрүүлгүүд нь Боловсрол суваг телевизийн “Яг түүн шиг” шоу, Монгол телевизийн “Voice” шоу байсан бөгөөд тус бүрийн ерөнхий үр дүн буурч байсныг тухайн үед манай байгууллагаас нийтэд танилцуулсан.
“Voice” шоу Азийн телевизийн салбарын шилдгүүдийг тодруулдаг “Asian Television Awards” 23 дахь удаагийн ёслолын арга хэмжээнээс “Азийн шилдэг энтертайнмент шоу” болон “Азийн шилдэг нутагшуулсан контент” гэсэн 2 номинацад тэргүүлсэн нь түүхэн үйл явдал боллоо.
Монголын Телевизүүдийн Форум 2018 онд “Үзэгчийн эрх шиг” уриан дор зохион байгуулагдсан нь үзэгчдэд ээлтэй, чанартай, сонирхол татахуйц агуулга бүхий контент үйлдвэрлэх чиглэл рүү анхаарч эхэлснийг харууллаа. Сүүлийн жилүүдэд яригдаж, салбарын оролцогч талуудад хүлээлт үүсгээд буй “Өргөн нэвтрүүлгийн тухай” хуулийн төслийн талаар форумын үеэр хэлэлцсэн ч форумаас хойш тодорхой мэдээлэлгүй “нам жим” хэвээр байна.
Мөн Монголын Телевизийн Форумын үеэр ХХЗХ-ноос Медиа болон өргөн нэвтрүүлгийн зах зээлийн судалгааг танилцуулсан нь салбартаа анх удаа хийсэн томоохон судалгаа байв. Цаашид энэ судалгааг тогтмолжуулах нь салбарын хөгжилд түлхэц өгөх ач холбогдолтой.
Манай судалгааны үр дүнгээр олон улсын формат бүхий хэдэн шоуг эс тооцвол киноны рейтинг өндөр байна. Мovie box, Asian box зэрэг киноны төрөлжсөн сувгууд рейтинг өндөртэй сувгуудын тоонд тогтмол багтдаг. Эдгээр үр дүнгээс шалтгаалж өнгөрсөн онд 2 ч суваг төрөлжсөн чиглэлээ шинэчилж, кино суваг боллоо. Эдгээрийг дурдвал TV9x2 суваг Cinema нэртэй, TV5-Энтертэйнмэнт суваг Movie max нэртэй болж, кино сувгийн тоог нэмлээ. Эдгээр сувгууд 2019 онд хэр амжилттай байхаас хамаарч, кино сувгийн багтаамж дүүрсэн үү гэдэгт тодорхой хариулт өгөх боломжтой болох юм байна. Тайланг татаж авахыг хүсвэл энд дарна уу.
2018 оны телевиз үзэгчийн судалгааны нэгдсэн тайланг Максима компаниас танилцууллаа.
2018 онд онцлох үйл явдлаар цөөн, салбарын үйл ажиллагаа хэвийн тогтвортой үргэлжиллээ гэж тус компани дүгнэжээ. Монголын телевизүүд олон улсын спортын томоохон наадмуудыг тогтмол, цаг алдалгүй шууд дамжуулдаг уламжлал энэ онд ч мөн үргэлжиллээ. 2018 оны спортын томоохон наадмуудын тоонд Өмнөд Солонгосын Пёнчан хотод зохион байгуулагдсан Өвлийн спортын 23-р олимпын их наадам, ОХУ-д зохион байгуулагдсан Хөлбөмбөгийн ДАШТ зүй ёсоор багтана.
Эдгээр тэмцээнийг Монголын телевизүүд шууд дамжуулсан бөгөөд Өвлийн олимпын наадмыг TV5 телевиз, Хөлбөмбөгийн ДАШТ-ийг МҮОНТ болон NTV телевизүүд хамтран шууд дамжууллаа. Шууд дамжуулалт тухайн сувгийн рейтингэд эергээр нөлөөлж байсныг судалгааны дүн харуулав. Энэ нь эдгээр телевизүүд үзэгчдийн хэрэгцээ, сонирхлыг хангаж ажилласны илрэл юм.
Спортын томоохон наадмуудаас гадна олон улсын формат бүхий шоу нэвтрүүлгүүд амжилттай байсныг жилийн хамгийн өндөр рейтингтэй нэвтрүүлгийн жагсаалтыг Боловсрол суваг ТВ-ийн “Яг түүн шиг” шоу, Монгол ТВ-ийн “Авьяаслаг Монголчууд” болон “Voice” шоунууд тэргүүлсэн үр дүнгээс харж болно. “Яг түүн шиг” болон “Авьяаслаг Монголчууд” шоунуудын хувьд энэ онд тус бүр 3 дахь жилдээ цацагдсан бол “Voice” шоуны хувьд энэ онд анх удаа цацагдсан билээ.
Үзэгчдийн 50-иас илүү хувийг нэг дор төвлөрүүлж чаддаг 2 нэвтрүүлэг нэг өдөр, нэг цагт зэрэг гарсан тохиолдол 2018 онд гарлаа. Эдгээр нэвтрүүлгүүд нь Боловсрол суваг телевизийн “Яг түүн шиг” шоу, Монгол телевизийн “Voice” шоу байсан бөгөөд тус бүрийн ерөнхий үр дүн буурч байсныг тухайн үед манай байгууллагаас нийтэд танилцуулсан.
“Voice” шоу Азийн телевизийн салбарын шилдгүүдийг тодруулдаг “Asian Television Awards” 23 дахь удаагийн ёслолын арга хэмжээнээс “Азийн шилдэг энтертайнмент шоу” болон “Азийн шилдэг нутагшуулсан контент” гэсэн 2 номинацад тэргүүлсэн нь түүхэн үйл явдал боллоо.
Монголын Телевизүүдийн Форум 2018 онд “Үзэгчийн эрх шиг” уриан дор зохион байгуулагдсан нь үзэгчдэд ээлтэй, чанартай, сонирхол татахуйц агуулга бүхий контент үйлдвэрлэх чиглэл рүү анхаарч эхэлснийг харууллаа. Сүүлийн жилүүдэд яригдаж, салбарын оролцогч талуудад хүлээлт үүсгээд буй “Өргөн нэвтрүүлгийн тухай” хуулийн төслийн талаар форумын үеэр хэлэлцсэн ч форумаас хойш тодорхой мэдээлэлгүй “нам жим” хэвээр байна.
Мөн Монголын Телевизийн Форумын үеэр ХХЗХ-ноос Медиа болон өргөн нэвтрүүлгийн зах зээлийн судалгааг танилцуулсан нь салбартаа анх удаа хийсэн томоохон судалгаа байв. Цаашид энэ судалгааг тогтмолжуулах нь салбарын хөгжилд түлхэц өгөх ач холбогдолтой.
Манай судалгааны үр дүнгээр олон улсын формат бүхий хэдэн шоуг эс тооцвол киноны рейтинг өндөр байна. Мovie box, Asian box зэрэг киноны төрөлжсөн сувгууд рейтинг өндөртэй сувгуудын тоонд тогтмол багтдаг. Эдгээр үр дүнгээс шалтгаалж өнгөрсөн онд 2 ч суваг төрөлжсөн чиглэлээ шинэчилж, кино суваг боллоо. Эдгээрийг дурдвал TV9x2 суваг Cinema нэртэй, TV5-Энтертэйнмэнт суваг Movie max нэртэй болж, кино сувгийн тоог нэмлээ. Эдгээр сувгууд 2019 онд хэр амжилттай байхаас хамаарч, кино сувгийн багтаамж дүүрсэн үү гэдэгт тодорхой хариулт өгөх боломжтой болох юм байна. Тайланг татаж авахыг хүсвэл энд дарна уу.