Цагдаагийн албан хаагчдын дүрэмт хувцсыг энэ оны дөрөвдүгээр сард Туркт захиалгаар хийлгүүлж, шинэчилсэн. Гэхдээ энэ нь зөвхөн хээрийн хувцасны шинэчилсэн загвар бөгөөд ирэх онд жагсаалын болон өдөр тутам өмсөх дүрэмт хувцсыг захиалан хийлгүүлж 2016 он гэхэд бүрэн жигдрэх юм байна.

Тиймээс цагдаагийн албан хаагчид өдөр тутам болон жагсаалын дүрэмт  хувцасны шинэчилсэн загвар ирэх хүртэл хээрийн шинэ дүрэмт хувцасаа өмсөж байгаа аж.

Цагдаагийн албан хаагчдын хувцсыг шинэчлэхээр улсын төсвөөс энэ жил 5,5 тэрбум төгрөгийг төсөвлөсөн бол 2015 онд хэдэн төгрөг төсөвлөх нь тодорхой бус байгаа юм.