Улсын онцгой комиссын шийдвэрийн дагуу Туркийн Истанбул  хот, Энэтхэг улс руу тусгай үүргийн онгоц нисгэж, харин ОХУ-ын Улаан-Үд, Эрхүү хотуудаас Алтанбулаг боомтоор иргэдээ татан авахаар болсон.

Тэгвэл Бүгд Найрамдах Турк Улсын Истамбул хотоос 170 иргэнээ авчрах тусгай үүргийн онгоц өнөөдөр 09.35 цагт “Чингис хаан” олон улсын нисэх буудлаас хөөрлөө. Онгоц маргааш буюу энэ сарын 14-ний өдөр 07.30 цагт Улаанбаатар хотод газардах хуваарьтай гэж УОК-ын Шуурхай штабаас мэдээллээ. 

Энэ нислэгээр ирж буй иргэд том хүн бол 850, хүүхдэд 680 ам.доллараар тийз худалдан авчээ. Онгоцны хоёр талын нислэгийн зардлыг тооцсон учраас тийзний үнэ ийнхүү өсжээ.