Хичээл эхлэхтэй зэрэгцэн нийслэлийн замын хөдөлгөөний ачаалал эрс нэмэгддэг. Иймд нийслэлийн хоёр байршил дахь 59 сургуулийн хичээл эхлэх цагийг өөрчилсөн. Ингэснээр ачаалал 12 хувиар буурна гэж тооцоолжээ.  

Өглөө 06.00-10.00, үдээс хойш 14.00-20.00 цагуудад замын хөдөлгөөн эрчимждэг. Өнөөдөр буюу уян цагийн зохицуулалтад шилжсэн эхний өдөр замын хөдөлгөөн ямар байсныг өнгөрсөн даваа гарагийн өглөөний байдалтай харьцуулжээ.

Ингэхэд 06.00-07.00 цагийн хооронд тээврийн хэрэгслийн тоо өсөж, бусад цагуудад буурчээ.     

Шинэ зохицуулалт нэвтэрсэн тул Замын хөдөлгөөний удирдлагын төв энэ долоо хоногийн турш тодорхой байршлуудад ажиглалт хийн, бусад үетэй харьцуулсан судалгаа хийх юм байна.