"Катар 2022" ДАШТ-ий шөвгийн наймын эхний тоглолт 2018 оны мөнгөн медаль Хорват болон дэлхийн таван удаагийн аварга Бразилын хооронд болоход Хорват пеналтаар хожлоо.

Хэсгийн шат болон хасагдах шатны өрсөлдөгчөө шуургалан довтолж тоглогчдынхоо ур чадвараар гайхуулж байсан Бразил Хорватын хана хэрэм мэт хамгаалалтыг сэтэлж чадалгүй нэг үе ч биш үндсэн цаг өндөрлөсөн. Хорватын хагас хамгаалалтын их гурвал Бразилын төвөөр давших хөдөлгөөн, зүссэн дамжуулалтуудыг хааж Хорватад бөмбөг үлдээж байв.

Улмаар нэмэлт цаг сунгасан. Бразилын довтлогчид Хорватын хамгаалагчдыг цөөн удаа давсан ч хаалгач Ливакович хананы ард бат зогсож байлаа. Гэвч 105+1 дэх минутад шар өмсгөлтүүдийн богино зайн дамжуулалтууд хэрэгжиж Неймар энэ тоглолтын эхний гоолыг оруулав.

Тэрээр шигшээ багийнхаа төлөө ийнхүү 77 дахь гоолоо оруулж Бразилын домогт тоглогч, өдгөө хүнд өвчтэй Пелетэй тэнцлээ.

Тоглолт ингээд дуусаагүй, Хорватчууд даруй довтолгооны сэлгээ оруулж Мислав Оршич эхний хүрэлтээр дамжуулж Бруно Петкович тооны харьцааг тэнцүүлсэн.

Ийнхүү хоёр баг пеналт цохихоор болов. Хорватын хаалгач Доминик Ливакович өмнөх тоглолтын ижил сайн тоглож эхний цохилтыг хаасан нь Бразилд хүнд туссан. Улмаар Хорват 4-2 харьцаагаар хүчирхэг Бразилыг хожиж хагас шигшээд шалгарлаа.

Харин Неймар, Алиссон, Ричарлисон, Касемиру, Тиагу Силва тэргүүтэй дэлхийн 5 удаагийн аварга Браил тэмцээнээ дуусгалаа.

Пеналт цохисон байдал:

Гарааны бүрэлдэхүүн:

Хүснэгт:

Voo аппликейшн татах

• Android
• iOS