Ковидын улмаас эдийн засгийн чуулган хоёр жил завсарласан юм. Цар тахлын эрсдэл буурсан тул эдийн засгийн чуулганы зохион байгуулах шийдвэр гаргажээ.

Тус чуулганаар Засгийн газар шинэ сэргэлтийн бодлогоо танилцуулахыг зорьж байна.

Чуулганыг нээн Ерөнхий сайд Л.Оюун-Эрдэнэ үг хэлж, Ерөнхийлөгч У.Хүрэлсүх нээлтийн мэндчилгээ дэвшүүлнэ.

Эхний илтгэлийг Дэлхийн банкны макро эдийн засаг, худалдаа, хөрөнгө оруулалтын олон улсын эрхэлсэн захирал Марселло Эстивао тавина. Дараа нь “Шинэ сэргэлтийн бодлого, эдийн засагт үүсэж буй сорилт, боломж” сэдвээр нэгдсэн хуралдаан болох юм.

Шинэ сэргэлтийн бодлогод төрийн бүтээмжийг өсгөх зорилт дэвшүүлсэн. Иймд хоёр дахь хэлэлцүүлгийг “Бүтээмж, авлига, хүнд суртал, төрийн өмчит компанийн засаглал” гэсэн сэдвээр явуулна.

Мөн олон улсын харилцааны өнөөгийн нөхцөл байдал, дотоодын хүнсний хангамж, нийлүүлэлтийг хөндөх хурал А танхимд үдээс хойш болно.

Энэ хуралтай зэрэгцэн Төрийн ордны  В танхимд “Боомтын сэргэлт: тээвэр, логистикийн хямрал”, “Эрчим хүчний сэргэлт: үр ашиг, алдагдал” сэдвийн дагуу хуралдана.

Эдийн засгийн форумын ивээн тэтгэгчээр “Оюу толгой”, РиоТинто, Ард санхүүгийн нэгдэл, MCS, “Энержи ресурс”, Шунхлай холдинг компаниуд оролцжээ.

Хуралд төрийн байгууллагын 300, хувийн хэвшлийн 300, ТББ, эрдэм шинжилгээний байгууллага, мэргэжлийн холбоодын 300 төлөөлөл, олон улсын байгууллагын 100 төлөөлөл оролцохоор бүртгүүлжээ.

Илтгэгчид:

УИХ-ын дарга Г.Занданшатар
Сангийн сайд Б.Жавхлан
УИХ-ын дэд дарга Т.Аюурсайхан
УИХ-ын гишүүн Х.Булгантуяа
УИХ-ын гишүүн Б.Энхбаяр
УИХ-ын гишүүн С.Бямбацогт
УИХ-ын гишүүн Х.Болорчулуун
УИХ-ын гишүүн Н.Учрал
УИХ-ын гишүүн Ж.Сүхбаатар
УИХ-ын гишүүн Г.Тэмүүлэн
Соёлын сайд Ч.Номин
УИХ-ын гишүүн О.Цогтгэрэл
УИХ-ын гишүүн Д.Сарангэрэл
УИХ-ын гишүүн Э.Батшугар
Босто консалтинг группийн хамтрагч Майкл Макадуу

БИЧЛЭГ: