Аливаа баяраар хүнд хоол ундаас улбаатайгаар гэдэс хямрах сул талтай байдаг. Тиймээс ходоодоо амраах нэрийдлээр хэт хоол хорьж дэглэм барихгүйгээр ккал бага,  хүнд биш хоолны жорыг санал болгож байна.

Луувангийн зутан шөл хийх жор

Орц:
/Нэг хүний порц/ Шар лууван 1ш, Цөцгийн тос 20 гр, Гурил 20 гр, Ногоо чанасан шөл 250 гр, Улаан перец, Давс, Зутан шөл амтлагч.

Бэлтгэх арга:
Луувангийн зутан шөл бол хүний биед маш сайн, амин дэмтэй хоол юм. Лууванг үрүүлд үрж жижиглээд цөцгийн тосонд 2-3 минут орчим хуурна. Дээр нь хуурай гурил бага багаар нэмж цацан зөөлөн гал дээр 4-5 минут орчим үргэлжлүүлэн хуурна.

Үүн дээрээ ногоо, чанасан шөлөө хийж сайтар хутган бага багаар ус нэмж жигд зутан болгоод зөөлөн галаар буцалгаж болгоно. Улаан перец, давс болон зутан шөл амтлагчаар шөлөө амталж болно.