УИХ-ын Төрийн байгуулалтын байнгын хорооны хурал өнөөдөр болов. Энэ үеэр Засгийн газраас өргөн барьсан, шинэ Засгийн газрын бүтэц, бүрэлдэхүүнийг өөрчлөн батлах тухай хуулийн төслийг хэлэлцэв. 

УИХ-ын гишүүн Б.Пүрэвдорж "Та нар намын хурал дээрээ АН-ынхан бүх хяналт шалгалтыг аваад, бид БАЛАРЛАА гэж ярьсан байна лээ. Ногоон автобусны хэрэгт холбогдсон хүмүүс энд ороод ирчихсэн байна. Та нар яагаад хулгайч нартайгаа тэмцдэггүй юм бэ?

Хулгайч нартай тэмцэх гэж л хяналт шалгалтын газрыг байгуулсан. Гэтэл та нар хүнд зориулж, үндэсний хороонуудыг нааш цааш нь шилжүүлдэг. Ийм байж болохгүй. Хүнд зориулж яам, хороо байгуулдаг, Засгийн газрын бүтцийг өөрчилдөг. 

2024 оны долоодугаар сарын 9-ний өдөр  УИХ-ын дарга Д.Амарбаясгалан "Би төслөө татлаа" гэж хэлээд хуулийн хулгай хийсэн. Бүсчилсэн хөгжлийн хороог Эдийн засгийн хөгжлийн сайд Н.Учрал ахлах нь зөв. Манай намын хяналтын хүмүүсийг халах юм байна. ЗГХЭГ-ын дарга болсон С.Бямбацогт орон нутагт хулгай хийдэг, АТГ-т шалгуулдаг бүх хүмүүсээ хамгаална.

100 сая төгрөгийн авлигаас 30-ыг нь гардан барьсан нөхөр "ТЭЦ-3"-ын дарга болж, шоронд явахгүй байсаар байгаад дэлбэлчихлээ" гэв.