Хэрвээ танд iPhone 6S, iPhone 6S Plus зэрэг утаснуудын ягаан алтан өнгөний сонголт таалагддаг бол одоо яг таны хүсэлд нийцэх өнгөтэй Beats Solo чихэвч худалдаанд гарчээ.

iPhone-той адил шинэ өнгөний сонголт нэмсэн Solo 2 утасгүй чихэвч болон urBeats чихэвчүүд Apple Store-д зарагдаж байна. Гэхдээ зөвхөн өнгө нь л өөр, илүү ямар ч нэмэлт зүйлгүй учраас үнийн хувьд хэвээр аж.

Тодруулбал Solo 2 утасгүй чихэвч 299 ам. доллар, urBeats 99 ам. доллар юм байна. Ийнхүү iPhone, Apple Watch, Beats чихэвч гээд Apple-ийн бүтээгдэхүүнүүд ихэнх нь ягаан алтан өнгөний сонголттой боллоо.

Тэр ч бүү хэл ягаан алтан өнгөний ачаар эрчүүд хүртэл “ягаан” өнгийн бүтээгдэхүүн сонирхох хандлага нэмэгджээ. Apple компани Beats-ийг жил хагасын өмнө худалдан авснаас хойш ийнхүү өөрсдийн нэрийн бүтээгдэхүүн болгох анхны алхмаа хийж байгаа нь энэ юм.

Эх сурвалж: MASHABLE