Юнител корпораци үүсгэн байгуулагдсан цагаасаа хойш орчин үеийн технологийн дэвшил, ноу-хауг нэвтрүүлж үндэсний компаниудаа манлайлан Монголын орчин үеийн загвар компанийг бий болгохын төлөө ажиллаж ирсэн. 2010 онд 100 хувь Монголын хөрөнгө оруулалттай болсноо олон нийтэд мэдээлсэн нь бизнесийн ертөнцөд онцлох үйл явдал болохын зэрэгцээ үүрэн холбооны үндсэн үйлчилгээнээсээ гадна интернет, сансрын холбоо, кабелын телевизийн дэвшилтэт шинэ технологи болох IPTV зэрэг мэдээлэл, харилцаа холбооны цогц үйлчилгээг үзүүлэгч групп компани болон өргөжөөд байна.

Бидний энэхүү амжилтыг МҮХАҮТ, түүний тэргүүлэгчдийн зүгээс жил бүр зохион байгуулдаг Монголын бизнесийн салбарын шилдгүүдийг тодруулах “Entrepreneur” 14 дэх удаагийн ёслолын арга хэмжээний үеэр 2010 оны Монголын ТОП 10 аж ахуйн нэгжийн нэг буюу мэдээлэл, холбооны салбарын шилдэг аж ахуйн нэгжээр шалгаруулсан билээ.



Монголын бизнесийн байгууллагуудад үлгэр жишээ болохуйц жишгээр амжилттай хөгжиж байгаа Юнител корпорацийн үйл ажиллагаатай танилцаж, туршлагаас хуваалцахаар МҮХАҮТ-аас гишүүн аж ахуй нэгжүүдийн төлөөлөгч нар тус компанид зочиллоо. Юнител группын удирдлагууд уригдан ирсэн төлөөлөгч нарт өөрийн группын бизнесийн үйл ажиллагааны үндсэн зарчим, үнэт зүйлс, нийгмийн хариуцлагын бодлого чиглэлийг танилцуулахын зэрэгцээ Монголд шинээр нэвтэрч байгаа интернет, суурин утас, IPTV буюу кабелийн телевизийн цоо шинэ эринг нэгтгэсэн гурвалсан үйлчилгээг туршиж үзэх боломжийг олгож, төлөөлөгч нар үг үйлчилгээний анхны үзэгч болсон юм.  



Тэргүүлэх аж ахуй нэгжүүдийн төлөөллийг Юнител корпорацийн газар, алба, хэлтсүүдийн захирал, менежерүүд угтан авч тус бүрийн үйл ажиллагааны чиглэл, хариуцсан бүтээгдэхүүн үйлчилгээний талаар дэлгэрэнгүй мэдээлэл, танилцуулга хийсэн бөгөөд аяллын хамгийн азтай одтой нэг төлөөлөгчийг шалгаруулахад Мобиком корпорацийн төлөөлөгч, тус компанийн хүний нөөцийн хэлтсийн менежер А.Одонзаяа азтан болж “Dopin” брэндийн гар утсаар туулай жилийнхээ аз хийморийг мялаалаа.