БНСУ-ын алдарт “Big Bang” хамтлагийн ахлагч Жи Драгон,  “Black pink” хамтлагийн дуучин Женни нарыг нэг жил орчмын хугацаанд болзож буй талаар “Dispatch” сайт мэдээлжээ.

Урлагийн ертөнцөд өөрсдийн гэсэн орон зайг эзэлж, сонсогчдынхоо хайрыг татсан хоёр уран бүтээлч хоёулаа “YG” энтертайментэд харьяалагддаг.

“Dispatch” сайт Жи Драгон Женни нарын нууцаар уулзан болзож буй агшны гэрч болсон талаараа нийтэлжээ. Тэд Жи Дрогоны амьдардаг Ханнам-донг дахь хотхонд уулздаг аж.

“YG” энтертайментийн ажилтнууд тэдний харилцааг мэддэг ч "Энэ бол уран бүтээлчдийн маань хувийн асуудал. Ямар нэгэн тодорхой мэдээлэл өгөх боломжгүй" хэмээжээ.

Женнигийн ээж "Жи Драгон охинд маань сайн анхаарал хандуулж, халамжилдагт баяртай байдаг" гэж ярьсан тухай ойрын эх сурвалж нь мэдээлжээ.

2012 онд Женни Жи Драгоны «That XX» дууны клипэнд тоглож байсан юм.