Сүүлийн 24 цагийн хугацаанд 18487 хүнд коронавирусийн шинжилгээ хийхэд Улаанбаатарт 21 хүнд илэрлээ. Үүний зургаа нь ТҮК-ийн ажилтнууд аж. 

Мөн 4 нь Ачтан эмнэлгийн голомттой холбоотой, БЗД-ийн тохижилт үйлчилгээний 56 ажилтанд шинжилгээ хийхэд зургаад халдвар илэрсэн, БЗД-ийн 17-р хорооны зургаан хүн болон тусгаарлалтад байсан гэр бүлийн хавьтлуудад илэрсэн. Одоогоор нийт ойрын хавьтал болсон 1353 хүн ,  дам хавьтал болсон 2859 хүн тусгаарлагдаж байна. 

Ийнхүү УБ-т нийт 685 тохиолдол бүртгэгдэж, Монгол Улсын хэмжээнд бүртгэгдсэн халдварын тоо 1512 боллоо. Сүүлд батлагдсан тохиолдлууд маш хүндэрсэн үедээ илэрч байна гэв. Ингэхдээ эмнэлэгт хандахгүй өвчнөө хүндрүүлээд эсвэл олон эмнэлэг дамнаж явсан, олон кабинетаар орсон, ингэхдээ дэглэм зөрчсөн байдал үүсгэж байна гэж ХӨСҮТ-ийн тандалт судалгааны албаны дарга А.Амбасэлмаа мэдээллээ.