“Танд баяр хүргэе! Та сугалаанд ялж азтан боллоо” хэмээх мэдэгдэл таныг интернет ашиглаж байх үед гарч ирвэл бүү хууртаарай. Учир нь энэ мэт худал мэдээлэл нийтлэн бусдыг залилах гэмт хэрэг олширсоор буй аж.  Гэмт этгээдүүд иргэдийг төөрөгдүүлж,  хувийн мэдээллийг нь хууль бусаар олж аван гэмт хэрэг үйлдэхдээ ашиглах тохиолдлууд нэмэгджээ.

Иймд иргэн та дээрх худал мэдээлэлд хууртахгүй байж хувийн мэдээллээ бусдад алдахгүй байхыг Эрүүгийн цагдаагийн албаны Кибер гэмт хэрэгтэй тэмцэх хэлтсээс онцгойлон анхааруулж байна.