“Сэргэлэн интернэйшнл экспедишн” ТББ-аас “Монголын нууц товчоо”-ны латин галигуудыг нягтлан, өнөөг хүртэл цэгцэрч нэг мөр болоогүй байгаа хуучин үгсийг Хадан бичиг, 1000 жилийн өмнөх Диван Лугат тольтой харьцуулан сэрээж, “Алтан дэвтэр” нэрээр гаргах болсноо танилцуулж байна.

“Сэргэлэн интернэйшнл экспедишн” ТББ-ын үүсгэн байгуулагч Д.Эрдэнэбаатар:

Манай оронд байх хадны бичгийг харийн бичиг гэж үздэг судлаачид нэлээн бий. Үүнийг манай бичиг гэдгийг баримтаар нотлон үзүүлэх зорилгоор ажиллаж байна. Одоо нийт 5 анги, 90 гаруй хүн сургаж бэлтгэн хадны бичгийг унших бололцоотой болгосон. 

“Сэргэлэн интернэйшнл экспедишн” ТББ-ын тэргүүн С.Сэргэлэн:

Зөвхөн хааны ордныхон үзэх боломжтой номыг "Алтан дэвтэр" гэдэг. Үүнд дөрвөн чухал агууламж байдгийг Рашид-Аддин баталсан байдаг. Бид анх удаа "Алтан дэвтэр"-ийг сэргээж байгаа ба аравдугаар сарын 1-ээс өмнө бэлэн болгоно.

Урьдчилсан байдлаар "Алтан дэвтэр" нь 30 мянга гаруй үг, 2400 орчим өгүүлбэртэй байна.