Олон улсын циркийн дөрөвдүгээр фестиваль энэ сарын 15-21-нд БНСВУ-ын нийслэл Ханой хотноо болж, ОХУ, Украин, Куба, Лаос, Монгол, Камбож, Франц, АНУ, Грек, Вьетнамын нийт 185 жүжигчид оролцож, таван төрөлд авьяас чадвараа сорьжээ.

Монголыг төлөөлөн үндэсний АСА цирк, Улаанбаатар циркийн жүжигчин, МУСТА Э.Лхагва-Очир гар дээрх тэнцвэрийн үзүүлбэрийн төрөлд үндэсний бүжгийн өнгө аяс бүхий уран нугаралт, тэнцвэрийн үзүүлбэрээрээ тэргүүлж алтан медаль хүртлээ.

Энэхүү Олон улсын циркийн фестивалийг БНСВУ-ын Соёл, спорт, аялал жуулчлалын яам, Вьетнамын Циркийн холбоо хамтран дөрөв дэх удаагаа уламжлал болгон зохион байгуулж байгаа юм. Өмнө нь 1997, 2004, 2010 онд тус фестивалийг зохион байгуулж байжээ.

Б.Хүдэр