Парис 2024 зуны олимпын чөлөөт бөхийн эмэгтэй -50 кг жинд Долгоржавын Отгонжаргал эхний барилдаанаа өнөөдөр хийх байв.

Гэвч Olympic.com-ын мэдээлснээр түүний өрсөлдөгч 2023 оны Европын аваргын хүрэл медальт Италийн 24 настай Эмануэла Лиуци барилдах боломжгүй болжээ.

Улмаар Д.Отгонжаргал барилдахгүйгээр шөвгийн наймд шалгарсан бөгөөд шигшээ 16 шатны барилдаанууд дууссаны дараа Бээжин, Токиогийн олимпын хүрэл, Лондон, Риогийн олимпын мөнгөн медалт, ДАШТ-ий 2 алт, 3 мөнгө, 1 хүрэл медальтай Азербайжаны 35 настай Мариа Стадник болон 2023 оны дэлхийн аваргын хүрэл медальт Германы 23 настай Анастасиа Блайвас нарын ялсантай барилдана.

Д.Отгонжаргалд шөвгийн наймд Бээжин, Токиогийн олимпын хүрэл, Лондон, Риогийн олимпын мөнгөн медалт, ДАШТ-ий 2 алт, 3 мөнгө, 1 хүрэл медальтай Азербайжаны 35 настай Мариа Стадниктай барилдаж 3-4 харьцаагаар яллаа.

Барилдааны явц:

• Отгонжаргалд торгуулийн 30 секунд тоолов.
• Торгуулийн хугацаанд оноо авч чадаагүй тул Мариа эхний 1 оноог авав. 1-0
• Мариад торгуулийн 30 секунд тоолов.
• Торгуулийн хугацаанд Мариа ард нь гарч 2 оноо авлаа. 3-0
• Отгонжаргал ард нь гарч 2 оноо авлаа. 3-2
• Отгонжаргал дахин ард нь гарч 2 оноо авлаа. 3-4

Ингэснээр Д.Отгонжаргал хагас шигшээд Токиогийн олимпын хүрэл медальт, дэлхийн аваргын хошой мөнгө, хошой хүрэл медальт АНУ-ын 30 настай Сара Анн Хилдебрандттай 00:15 цагаас барилдана.

Д.Отгонжаргалд хагас шигшээд  Токиогийн олимпын хүрэл медальт, дэлхийн аваргын хошой мөнгө, хошой хүрэл медальт АНУ-ын 30 настай Сара Анн Хилдебрандттай барилдаж 5-0 харьцаагаар ялагдлаа.

Барилдааны явц:

• Сара ард нь гарч 2 оноо авав. 2-0
• Сара дахин ард нь гарч 2 оноо авлаа. 4-0
• Отгонжаргалыг үснээс зулгаасан гэж 1 оноогоор торгов. 5-0
• Цаг дуусав.

Ингэснээр Сара финалд шалгарч алтан медалийн төлөө наймдугаар сарын 8-ны 00:15 цагаас 2019, 2022 оны дэлхийн аваргын хүрэл медальт, 2021 оны Азийн аварга Энэтхэгийн 29 настай Винеш Винештэй барилдахаар болов.

Харин Д.Отгонжаргал хүрэл медалийн төлөө мөн наймдугаар сарын 8-ны 00:15 цагаас барилдахаар болов. Түүний өрсөлдөгч нь 2019 оны Африкийн наадмын хүрэл медальт, Африк тивийн аваргын 4 хүрэл медальт Алжирын 24 настай Ибтиссем Дуду болон 2023 оны дэлхийн аваргын хүрэл медальт, 2024 оны Азийн аваргын мөнгөн медальт Хятадын 25 настай Жичи Фен нарын ялсан нь байх юм.