Парис 2024 зуны олимпын жүдо бөхийн эрэгтэйчүүдийн +100 кг жинд Монголын шигшээ багийн тамирчин их дуулгын 3 алт, 2 хүрэл медальт, Азийн аварга 24 настай Одхүүгийн Цэцэнцэнгэл зодоглов.

Тэрээр эхний шатанд их дуулгын 1 мөнгө, 2 хүрэл медальт, залуучуудын дэлхийн аваргын дэд байр Германы 25 настай Эрик Абрамовтой барилдлаа.

Эхний хоёр торгуультайгаар нэмэлт цаг руу орсон барилдаанд Германы тамирчин жийж вазари авснаар ялж О.Цэцэнцэнгэл тэмцээнээ дуусгалаа.