#Сагсанбөмбөг Улаанбаатар Амазонс өнгөрсөн жилийн амжилтаа ахиулж аваргаа хамгаалагч Омни Хүлэгүүдийг 4-2 харьцаагаар хожлоо.

Эмэгтэй Үндэсний Дээд Лигийн 2024-2025 оны улирлын финалын сүүлийн тоглолт өчигдөр болж аваргууд тодров.

Финалд өнгөрсөн жилийн мөнгөн медальт "Улаанбаатар Амазонс" баг аваргаа хамгаалагч "Омни Хүлэгүүд" багийг 4-2 харьцаагаар хожиж түрүүллээ.

Аваргууд түрүү байрын шагнал 100 сая төгрөг авсан. Харин дэд байрт орсон "Омни Хүлэгүүд" баг 50 сая төгрөг, 3-4-р байрт орсон "АОДЭ М Винкс", "Аравт" багууд тус бүр 25 сая төгрөгийг авсан юм.

Финалын MVP буюу үнэ цэнтэй тоглогчоор  21.7 оноо, 13.5 самбар, 3.0 оновчтой дамжуулалт, 2.0 бөмбөг таслалт, 43.1 хувийн довтолгоо дундажласан Б.Ариунцэцэг тодорсон байна.

Эрэгтэй Үндэсний Дээд Лигийн playoffs шат өчигдрөөс эхэлсэн бөгөөд шөвгийн наймын эхний тоглолтууд UG Arena-д үргэлжилж байна.