Арваннэгдүгээр сарын 3-нд "Большой театр"-т тоглох Ж.Пуччинигийн алдарт "Тоска" дуурийн гоцлолд дуурийн дуучин Г.Ариунбаатар болон С.Батчимэг нар дуулах гэж байна.

Тэд өнгөрсөн сард улирлын нээлтээ хийгээд буй Улаан-Үд хотын ДБЭТ-т "Тоска" дуурийн гоцлолд дуулаад байсан юм. Тэгвэл энэ удаад ч Г.Ариунбаатар Скарпиад, С.Батчимэг Тоскагийн дүрд тоглох нь.

Дуучин С.Батчимэг нь "Большой театр"-т дуурьд гоцолж буй хоёр дахь монгол эмэгтэй болж буйгаараа онцлог ажээ. Тэрбээр өнгөрсөн оны есдүгээр сараас эхлэн Улаан-Үдийн ДБЭТ-т ажиллаж эхэлсэн байна.