Баян-Өлгий аймаг, Улаанхус сум. Даян 6 дугаар багт энэ сарын 09-ний өдрийн 11:00 цагийн орчим малчин Т нь адуундаа явна гэж гэрээсээ гараад сураггүй болсон бөгөөд унаж явсан морь нь 12-ны өдөр гэрээс нь 2 км-т “Халх голын эргээс олдсон тул усанд осолдсон байж болзошгүй тухай дуудлагыг мөн өдрийн 10:15 цагт хүлээн авсан байна.

Тус аймгийн Онцгой байдлын газрын Цэнгэл сум дахь Гал түймэр унтраах, аврах 71 дүгээр анги Цагдаагийн газрын алба хаагчид, ар гэрийнхний хамт 09.13-ны өдрийн 09:10 цагаас 20:20 цаг хүртэл тус аймгийн Улаанхус сумын харьяат малчин Т/47 настай, эрэгтэй/-ыг эрэн хайх ажиллагааг “Ховд голын-Эх” гэдэг газраас баруун урд зүгт 19 км-т “Зээрийн гарам” гэдэг газар хүртэл “Ховд” голын усаар завиар болон голын эрэг дагуу явганаар зохион байгуулсан боловч үр дүнд хүрээгүй.

Хүч нэмэгдүүлэн ажиллахаар тус аймгийн Онцгой байдлын газрын Эрэн хайх, аврах бүлгийн алба хаагчид ангиас хөдөлсөн ба өнөө өглөө буюу 14-ний 08:00 цагт эрэн хайх ажиллагааг дахин эхлүүлжээ.

Эх сурвалж: ОБЕГ