Олон улсын үнэлгээний “Moody's” агентлаг Худалдаа, Хөгжлийн банк ХК-ийн зээлжих зэрэглэлийг “B3” түвшинд баталгаажуулж, төлөвийг "Тогтвортой" хэвээр үлдээлээ.

Үнэлгээг хэвээр хадгалахдаа тус банк ирэх 12-18 сарын хугацаанд зээлжих чадамж нь хэвийн байна гэж үзсэн нь нөлөөлжээ. Учир нь Монгол Улсын эдийн засаг, уул уурхайн салбар өсөлттэй байгаа нь банкны салбарын хөрөнгийн чанар, капитал, ашигт байдалд дэмжлэг болно гэж үзсэн байна.

Мөн “Moody's”-ээс чанаргүй зээлийн харьцаа ирэх 12-18 сард бага байна гэж үзэж байгаа бөгөөд үүнд уул уурхайн компаниудын мөнгөн урсгал сайжирснаар зээлийн асуудал багасах нь нөлөөлнө гэжээ. Харин зээлийн төвлөрөл өндөр, хөрөнгийн гүйцэтгэл циклийн чанартай байгаа нь сул тал болно гэж тодотгож байна.

Сэтгүүлч: Ж.Зоригт