Монголын хараагүйчүүдийн холбооны дэргэдэх Мэргэжлийн сургалт үйлдвэрлэлийн төв 2015 онд байгуулагдсан. Өөрийн гэсэн хичээлийн байргүй ч өнөөдрийг хүртэл сургалтын үйл ажиллагаагаа тасалдуулаагүй байна.

Цаашид харааны бэрхшээлтэй иргэдэд чанартай боловсрол олгох, хөдөлмөр эрхэлж орлогын эх үүсвэртэй болоход нь туслахад анги танхимын хүрэлцээ хамгийн чухал байсан юм. Тиймээс БШУЯ-ны 250 сая төгрөгийн санхүүжилтээр хөгжлийн төвийн хуучин барилгыг засварлан өнөөдөр ашиглалтад оруулжээ.

Тус төвд технологийн мэргэжилтэн, эмчилгээний бариа засалч, бэлэг дурсгалын урлаач, кофе бэлтгэгч зэрэг 7 чиглэлээр хараагүй 80 гаруй иргэн мэргэжлийн боловсрол эзэмшиж байна.

Эх сурвалж: БШУЯ