Дэлхийн цаг агаар аажмаар дулаарч байгаа нь хамгийн ховор амьтдын төрөл, тоог багасч улмаар устаж үгүй болох аюул занал болж байна гэж Францын Семагрефийн эрдэм шинжилгээний төвийн эрдэмтдийн баг "Proceedings of the National Academy of Sciences" сэтгүүлд бичсэн тухай "BBC" агентлаг мэдээлсэн байна. Тэд цаг агаарын дулаарал амьд биесийн бүх төрөлд адилхан үйлчилдэг ямар нэгэн нийтлэг шалтгаан байгаа эсэхийг судалсан байна.

Эрдэмтэд хэт дулаарлын улмаас Антарктидын оцон шувууны үржил багасч, Америкийн нууран дахь загасны тоо буурч, Европт шувууны нүүдэл, эрт цэцэглэдэг ургамал багасч байна гэж судалгаандаа бичжээ. Үүний зэрэгцээ Вашингтонын их сургуулийн судлаачид цаг агаарлын дулаарлын улмаас энэ зууны эцэс гэхэд халуун орны олон төрлийн хорхой шавьж мөхөж үгүй болохыг баталсан байна. Учир нь халуун орны хорхой шавьж цаг агаарын өөрчлөлтийг илүү их мэдэрдэг ажээ. Үүнээс гадна хүний буруу үйл ажиллагаа болон дулаарлын улмаас Африкийн анаашийн зургаан төрөл бүрэн устаж үгүй болох аюул учраад байгааг Олон улсын амьтан, ургамлын аймгийг хамгаалах нийгэмлэгийн биологчдын судалгаанд дурьдсан байна.