Монголын уулчдын холбооноос өгсөн мэдээллээр манай улсын хоёр уулчин (Б.Цэвээндаш, Т.Гүррагчаа нар) энэ сарын 10-нд Балба Улсын Катманду хотод хүрэлцэн ирж улмаар БНХАУ-ын Түвдийн Өөртөө засах орны зүг хөдөлжээ.

Тэд эсэн мэнд, Эверест рүү Түвдийн талаас 6500 метрийн өндөрт авиралтаа амжилттай эхлүүлээд байна.

Мөн Энэтхэгийн хойд хэсгийн Бихар мужид байдаг Бодгаяа дахь монгол сүмийн лам нар болон Балба Улсад хувийн журмаар аялж яваа 3 монгол иргэн Катманду хотод гэмтэж бэртээгүй эсэн мэнд байна.

Монгол Улсаас Делид суугаа ЭСЯ Балба Улсад суугаа Өргөмжит консултай тогтмол холбоотой ажиллаж байна гэж ГХЯ-наас мэдээллээ.