Төв цэнгэлдэх хүрээлэнгийн бүх хаалга, явган хүний зам дээр нийт 50 хяналтын камер байрлуулжээ. Эдгээр нь хөдөлгөөнт, нэг чиглэлийн болон бүтэн эргэдэг камерууд аж.

Эдгээр камерын дамжуулж буй бичлэгийг Нийслэлийн цагдаагийн газрын Шуурхай удирдлагын тасаг 24 цагаар хянаж байна. Төв цэнгэлдэх хүрээлэн баяр наадмын өдрүүдэд олны хөлд дарагддаг. Энэ үеэр халаасны гэмт хэрэг гарах эрсдэл өсдөг учир олон тооны камер байрлуулжээ.

Өнөөдөр 13.00 цагийн байдлаар эд зүйлээ алдлаа гэсэн гомдол дуудлага ирээгүй байв. Хэрэв та Төв цэнгэлдэх хүрээлэнд наадамлах үедээ эд зүйлээ хулгайд алдвал цэнгэлдэхийн 9 дүгээр хаалгыг зорьж, Шуурхай удирдлагын албанд хандаарай.

Тэд таны хүсэлтийн дагуу хяналтын камеруудыг шүүн, гэмт хэргийг шуурхай илрүүлэхээр ажиллах юм.