Сүхбаатар дүүргийн 100 айлын Сэлбийн гүүрийн хойд талын явган хүний зам, Хан-Уул дүүргийн "Оргил" худалдааны төвийн зүүн талын авто зам, Сонгинохайрхан дүүргийн 29 дүгээр хороо, Шинэ Драгон төвийн ард авто зам, Баянзүрх дүүргийн Хүүхэд СОС төвийн урд авто замын гэмтэлтэй сувагчлал сэргээх ажлыг өчигдөр 23.00 цагт эхэлсэн. Энэ ажил энэ сарын 24-ний 06.00 цаг хүртэл үргэлжилнэ.

Ажлын хүрээнд дээрх хугацаанд Хан-Уул дүүргийн "Оргил" худалдааны төвийн зүүн талын авто замын нэгдүгээр эгнээг түр хаах юм.

Мөн Саппорогийн уулзварын зүүн урд талын авто зам дагуу дулааны шугам шинэчлэх ажлыг хийхээр төлөвлөөд байна.

Уг ажлыг энэ сарын 24-нөөс ирэх сарын 6-ны хооронд хийх бөгөөд дээрх хугацаанд Энхтайваны өргөн чөлөөний нэгдүгээр эгнээг хаах юм гэж нийслэлийн Авто замын хөгжлийн газраас мэдээллээ.