#Хөлбөмбөг ЕВРО-2024-ийн финалд Испани Английг 2-1 харьцаагаар хожиж Европын аварга боллоо.
"EURO 2024" буюу Хөл бөмбөгийн Европын тивийн 2024 оны аварга шалгаруулах тэмцээний финалын тоглолт Германы Берлин хотын "Olympiastadion" цэнгэлдэх хүрээлэнд боллоо.
Европ тивд Германы ижил хамгийн олон удаа буюу гурван удаа (1964, 2008, 2012) түрүүлсэн Испаничууд Английг 2-1 харьцаагаар хожиж 2024 оны Европ тивийн аварга боллоо. Мөн тэд энэ тэмцээнд хамгийн олон удаа түрүүлсэн улс болж түүхэд үлдлээ.
Тоглолтын явц: Тоглолтын эхний үе гоолгүй өндөрлөсөн ч Испаничууд хоёрдугаар үе эхлээд удаагүй байхад тооны харьцааг нээсэн. Испанийн гараанд гарсан Родри сэлгээгээр сууж Мартин Зубименди эхний үеийн завсарлагаар талбайд орж ирсэн бөгөөд багтаа ашигтай тоглолтыг үзүүлж 47 дахь минутад Ламин Ямалын дамжуулалтаар Нико Уильямс гоол оруулав. Улмаар Англичууд багийн ахлагч Харри Кейн, хагас хамгаалагч Кобби Мэйнүү нарыг суулгаж Кол Палмер, Оли Уоткинс нарыг талбайд гаргаад удалгүй 73 дахь минутад Жюд Беллинхэмийн дамжуулалтаар Кол Палмер тооны харьцааг тэнцүүлсэн. Гэвч Испани довтолхоо зогсоогүй бөгөөд Альваро Моратагийн оронд талбайд сэлгээгээр гарсан Микел Ояарзабал 86 дахь минутад Марк Кукуреяагийн дамжуулалтаар 2-1 болгосноор Испаничууд хожлоо.
2020 онд анх удаа финалдаж Италид пеналтаар ялагдсан Англичууд ийнхүү хоёр дараалан финалдсан ч цом өргөж чадсангүй.
Испанийн шигшээ баг "B" хэсгийг гурван хожилтой тэргүүлж шигшээ 16-д Гүржийг 4-1, шөвгийн наймд Германыг 2-1, хагас шигшээд Францыг 2-1 харьцаагаар хожин финалд хүрсэн бол Англи "C" хэсгийг нэг хожил, хоёр тэнцээтэй тэргүүлж шигшээ 16-д Словакийг 2-1, шөвгийн наймд Швейцарыг 1-1 (5-3) харьцаатай пеналтаар хагас шигшээд Нидерландыг 2-1 харьцаагаар хожсон.
Тэмцээний
- Шилдэг тоглогч - Родри /Испани/
- Мэргэн бууч - 3 гоол - Харри Кейн /Англи/, Коди Гакпо /Нидерланд/, Дани Ольмо /Испани/, Жамал Мусиала /Герман/, Иван Шранц /Словак/, Жоржес Микатадзе /Гүрж/
- Шилдэг залуу тоглогч - Ламин Ямал /Испани/
2028 оны Европын аварга шалгаруулах тэмцээнийг Британи болон Ирланд улс хамтран зохион байгуулах бол 2032 онд Итали, Туркэд болно.
#Хөлбөмбөг ЕВРО-2024-ийн финалд Испани Английг 2-1 харьцаагаар хожиж Европын аварга боллоо.
"EURO 2024" буюу Хөл бөмбөгийн Европын тивийн 2024 оны аварга шалгаруулах тэмцээний финалын тоглолт Германы Берлин хотын "Olympiastadion" цэнгэлдэх хүрээлэнд боллоо.
Европ тивд Германы ижил хамгийн олон удаа буюу гурван удаа (1964, 2008, 2012) түрүүлсэн Испаничууд Английг 2-1 харьцаагаар хожиж 2024 оны Европ тивийн аварга боллоо. Мөн тэд энэ тэмцээнд хамгийн олон удаа түрүүлсэн улс болж түүхэд үлдлээ.
Тоглолтын явц: Тоглолтын эхний үе гоолгүй өндөрлөсөн ч Испаничууд хоёрдугаар үе эхлээд удаагүй байхад тооны харьцааг нээсэн. Испанийн гараанд гарсан Родри сэлгээгээр сууж Мартин Зубименди эхний үеийн завсарлагаар талбайд орж ирсэн бөгөөд багтаа ашигтай тоглолтыг үзүүлж 47 дахь минутад Ламин Ямалын дамжуулалтаар Нико Уильямс гоол оруулав. Улмаар Англичууд багийн ахлагч Харри Кейн, хагас хамгаалагч Кобби Мэйнүү нарыг суулгаж Кол Палмер, Оли Уоткинс нарыг талбайд гаргаад удалгүй 73 дахь минутад Жюд Беллинхэмийн дамжуулалтаар Кол Палмер тооны харьцааг тэнцүүлсэн. Гэвч Испани довтолхоо зогсоогүй бөгөөд Альваро Моратагийн оронд талбайд сэлгээгээр гарсан Микел Ояарзабал 86 дахь минутад Марк Кукуреяагийн дамжуулалтаар 2-1 болгосноор Испаничууд хожлоо.
2020 онд анх удаа финалдаж Италид пеналтаар ялагдсан Англичууд ийнхүү хоёр дараалан финалдсан ч цом өргөж чадсангүй.
Испанийн шигшээ баг "B" хэсгийг гурван хожилтой тэргүүлж шигшээ 16-д Гүржийг 4-1, шөвгийн наймд Германыг 2-1, хагас шигшээд Францыг 2-1 харьцаагаар хожин финалд хүрсэн бол Англи "C" хэсгийг нэг хожил, хоёр тэнцээтэй тэргүүлж шигшээ 16-д Словакийг 2-1, шөвгийн наймд Швейцарыг 1-1 (5-3) харьцаатай пеналтаар хагас шигшээд Нидерландыг 2-1 харьцаагаар хожсон.
Тэмцээний
- Шилдэг тоглогч - Родри /Испани/
- Мэргэн бууч - 3 гоол - Харри Кейн /Англи/, Коди Гакпо /Нидерланд/, Дани Ольмо /Испани/, Жамал Мусиала /Герман/, Иван Шранц /Словак/, Жоржес Микатадзе /Гүрж/
- Шилдэг залуу тоглогч - Ламин Ямал /Испани/
2028 оны Европын аварга шалгаруулах тэмцээнийг Британи болон Ирланд улс хамтран зохион байгуулах бол 2032 онд Итали, Туркэд болно.