Парис 2024 зуны олимпын чөлөөт бөхийн эмэгтэй -68 кг жинд Энхсайханы Дэлгэрмаа дагаж барилдлаа. Тэрээр 2022, 2023 оны дэлхийн аварга, 2021 оны ДАШТ-ий хүрэл медальт Японы 21 настай Нонока Озакитай барилдаж 6-0 харьцаагаар ялагдлаа.

Э.Дэлгэрмаа шагналт 7-р байраар тэмцээнээ дуусгалаа.

Барилдааны явц:

• Нонока идэвхгүй барилдаанаар торгуулийн 30 секунд явж эхлэв
• Торгуулийн хугацаанд Нонока ард нь гарч 2 оноо авав. 2-0
• Нонока дахин ард нь гарч 2 оноо авав. 4-0
• Дахин ард нь гарч 2 оноо авснаар 6-0 болов.
• Цаг дуусав.

Э.Дэлгэрмаа болон Нонока Озаки нар өчигдөр Токиогийн олимпын хүрэл медальт, 2021 оны Ази, Дэлхийн аварга Киргизийн 24 настай Мээрим Жуманазаровад ялагдсанаар дагахаар болсон юм.

Ийнхүү Японы бөх Нигери улсын тамирчин, Токиогийн олимпын мөнгөн медальт 35 настай Блессин Оборудудутай 00:15 цагаас хүрэл медалийн төлөө барилдахаар боллоо.