Парис 2024 зуны олимпын жүдо бөхийн эмэгтэй +78 кг жинд Монголын шигшээ багийн тамирчин энэ оны Ази тивийн аваргын мөнгөн медальт, Азийн наадмын хүрэл медальт, Улаанбаатар, Бакугийн их дуулгын мөнгөн медальт 24 настай Амарсайханы Адъяасүрэн зодоглолоо.

Тэрээр эхний шатанд Казахстаны тамирчин их дуулгын 1 мөнгө, 2 хүрэл медальт, Азийн аварга 24 настай Камила Берликаштай барилдав.

Хоёр тамирчин хоёул идэвхгүй барилдаж эхний торгуулийг авцгаасан бол хоёр дахь торгууль Камилад ирснээр нэмэлт цаг руу орсон. Улмаар нэмэлт цагт Адъяасүрэн илүү идэвхтэй байсаар гурав дахь торгуулийг өгүүлж яллаа.

А.Адъяасүрэн шигшээ 16-д энэ оны дэлхийн аваргын мөнгөн медальт, их дуулгын 2 алт, 3 мөнгө, 1 хүрэлтэй Туркийн 36 настай Каяра Оздемиртэй барилдана.

А.Адъяасүрэн шигшээ 16-д энэ оны дэлхийн аваргын мөнгөн медальт, их дуулгын 2 алт, 3 мөнгө, 1 хүрэлтэй Туркийн 36 настай Каяра Оздемиртэй барилдлаа.

Хоёр бөх барьц халалцсаар эхний торгуулийг авцгаасан бөгөөд хоёр дахь торгууль А.Адъяасүрэнд ирсэн. Улмаар гурав дахь торгууль ирснээр ялагдаж тэмцээнээ дуусгалаа.