Өнгөрсөн сарын дунд үед зуншлага нэлээд тааруу, нийт нутгийн 20 хүрэхгүй хувьд л бэлчээрийн ургамлын гаралт сайн байсан. Тэгвэл зурга­дугаар сарын сүүлчээр орсон бороо манай орны нийт нут­гийг хамарч зуншлагад нэ­лээд нөлөөлжээ. Жишээ­лэхэд, Увс, Завхан, Баянхон­гор, Баян-Өлгий, Ховд, Говь-Алтай, Дундговь, Дорноговь, Өмнөговь аймгийн нутгаар 2-10 өдөр, бусад нутагт 11-19 өдөр бороо үргэлжлэн орсон байна.

Ус, цаг уурын хүрээлэн­гээс гаргасан энэ сарын нэг­нийг хүртэлх зуншлагын тө­лөвөөс үзэхэд, манай орны нийт нутгийн 40 орчим хувьд зуншлага маш сайн, 40 орчим хувьд нь дунд, 20 гаруй хувьд нь муу байна.

Тодруулбал, Дундговь аймгийн ихэнх, Завхан, Төв, Хэнтий, Дорно­говь, Өмнөговийн зарим нут­гаар зуншлага нэлээд тааруу байна. Ялангуяа говийн гур­ван аймаг гандуу байна. Мөн Хэн­тий аймагт бороо их орсон ч ургамлын өнгө сайн сэргэж амжаа­гүй байгаа бөгөөд нар ээвэл амархан сайжрах төлөвтэй байгаа юм.

Харин Дорнод, Булган бүхлээрээ, Архангай, Сэлэн­гийн бараг бүх нутаг, Хөвс­гөл аймгийн ихэнх нутгаар зуншлага хамгийн сайн бай­гаа аж.

Цаг агаарын урьдчилсан мэдээгээр хур тунадас орох төлөвтэй байгаа. Тиймээс гандуу байгаа аймгуудаар бороо орвол ган тайлагдаж зуншлага сайжрах бүрэн бо­ломжтой. Гэвч томоохон го­луудын усны түвшин нэлээд нэмэгдсэн учраас бороо орох үед үер усны аюултай байгааг Ус, цаг уурын хүрээлэнгээс анхаа­рууллаа.

П.Энэбиш